ಸಂತ ಮೇರಿ ಬೆಸಿಲಿಕಾ

ಸಂತ ಮೇರಿ ಬೆಸಿಲಿಕಾ ಬೆಂಗಳೂರಿನ ಅತ್ಯಂತ ಹಳೆಯ ಚರ್ಚುಗಳಲ್ಲಿ ಒಂದಾಗಿದೆ, ಇದನ್ನು ಸೆಂಜಿ ಗ್ರಾಮದಿಂದ (ತಮಿಳುನಾಡಿನಲ್ಲಿದೆ)  ಬಂದ ತಮಿಳು ಕ್ರಿಶ್ಚಿಯನ್ ವಲಸಿಗರು ನಿರ್ಮಿಸಿದ್ದಾರೆ. ಸಂತ ಮೇರಿ ಬೆಸಿಲಿಕಾ ವನ್ನು 17 ನೇ ಶತಮಾನದಲ್ಲಿ ಗೋಥಿಕ್ ಶೈಲಿಯ ವಾಸ್ತುಶಿಲ್ಪ,  ಅಲಂಕಾರಿಕ ವಸ್ತುಗಳು, ಬಣ್ಣದ ಗಾಜಿನ ಕಿಟಕಿಗಳು ಮತ್ತು ಭವ್ಯವಾದ ಕಮಾನುಗಳನ್ನು ಬಳಸಿ ನಿರ್ಮಿಸಲಾಯಿತು. ಸೇಂಟ್ ಮೇರಿಸ್ ಬೆಸಿಲಿಕಾ ಮುಖ್ಯ ಗೋಪುರವು ಸುಮಾರು 160 ಅಡಿ ಎತ್ತರವಿದೆ. ನಮ್ಮ ತಾಯಿ ಮೇರಿಯ ಪ್ರತಿಮೆಯನ್ನು ಸೀರೆಯಲ್ಲಿ ಹೊದಿಸಿ ಪ್ರತಿದಿನ ಪೂಜಿಸಲಾಗುತ್ತದೆ. ಬಾಲ ಯೇಸುವನ್ನು ಹಿಡಿದಿರುವ ತಾಯಿ ಮೇರಿಯ ಪ್ರತಿಮೆ ಮೋಡಿ ಮಾಡುವ ಅಪ್ಯಾಯಮಾನ ದೃಶ್ಯವಾಗಿದೆ. ಸಂತ ಮೇರಿ ಬೆಸಿಲಿಕಾವನ್ನು ‘ಮೈನರ್ ಬೆಸಿಲಿಕಾ’ ದರ್ಜೆಗೆ ಮೇಲೇರಿಸಲಾಗಿದೆ. ಈ ಸ್ಥಾನಮಾನವನ್ನು ಸಾಧಿಸಿದ ಕೆಲವೇ ಚರ್ಚುಗಳಲ್ಲಿ ಒಂದಾಗಿದೆ.

ವಾರ್ಷಿಕ ಹಬ್ಬ: ಸಂತ ಮೇರಿ ಬೆಸಿಲಿಕಾದಲ್ಲಿ ಸೇಂಟ್ ಮೇರಿಯ ಜನ್ಮದಿನವಾದ ಸೆಪ್ಟೆಂಬರ್ 8 ರಂದು ವಾರ್ಷಿಕ ಹಬ್ಬವನ್ನು ಆಚರಿಸಲಾಗುತ್ತದೆ. 

ಹತ್ತಿರ: ಎಂಜಿ ರಸ್ತೆ (2 ಕಿ.ಮೀ) ಮತ್ತು ಕಮರ್ಷಿಯಲ್ ಸ್ಟ್ರೀಟ್ (1.2 ಕಿ.ಮೀ) ಮತ್ತು ರಸ್ಸೆಲ್ ಮಾರ್ಕೆಟ್ (240 ಮೀಟರ್) ಸೇಂಟ್ ಮೇರಿಸ್ ಬೆಸಿಲಿಕಾ ಬಳಿಯ ಜನಪ್ರಿಯ ಶಾಪಿಂಗ್ ಬೀದಿಗಳಾಗಿವೆ. ಕಬ್ಬನ್ ಪಾರ್ಕ್ (2.2 ಕಿ.ಮೀ), ಹೋಲಿ ಟ್ರಿನಿಟಿ ಚರ್ಚ್ (3.2 ಕಿ.ಮೀ) ಮತ್ತು ಉಲ್ಸೂರ್ ಸರೋವರ (2.3 ಕಿ.ಮೀ) ಸಂತ ಮೇರಿ ಬೆಸಿಲಿಕಾ ಜೊತೆಗೆ ಭೇಟಿ ನೀಡಬಹುದಾದ ಹತ್ತಿರದ ಇತರ ಆಕರ್ಷಣೆಗಳಾಗಿವೆ.

ಸಂತ ಮೇರಿ ಬೆಸಿಲಿಕಾವನ್ನು ತಲುಪುವುದು ಹೇಗೆ?

ಸಂತ ಮೇರಿ ಬೆಸಿಲಿಕಾ ಶಿವಾಜಿ ನಗರದಲ್ಲಿದೆ, ಬೆಂಗಳೂರು ನಗರ ಕೇಂದ್ರದಿಂದ (ಮೆಜೆಸ್ಟಿಕ್) 5 ಕಿ.ಮೀ ಮತ್ತು ಬೆಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ 34 ಕಿ.ಮೀ. ದೂರದಲ್ಲಿದೆ.  ಕಬ್ಬನ್ ಪಾರ್ಕ್ ಮೆಟ್ರೋ ನಿಲ್ದಾಣವು ಹತ್ತಿರದ ಮೆಟ್ರೋ (1.5 ಕಿ.ಮೀ) ನಿಲ್ದಾಣವಾಗಿದೆ. ಶಿವಾಜಿ ನಗರ ಬೆಂಗಳೂರಿನ ಎಲ್ಲಾ ಭಾಗಗಳಿಂದ ಅತ್ಯುತ್ತಮ ಬಸ್ ಸಂಪರ್ಕವನ್ನು ಹೊಂದಿದೆ.

ವಸತಿ: ಶಿವಾಜಿ ನಗರವು ಹಲವು ವಸತಿಗೃಹಗಳನ್ನು ಹೊಂದಿದೆ. ಹತ್ತಿರದ ಎಂಜಿ ರಸ್ತೆಯಲ್ಲಿ ಹೆಚ್ಚಿನ ಹೋಟೆಲ್‌ಗಳು ಲಭ್ಯವಿದೆ.

ಅಧಿಕೃತ ವೆಬ್‌ಸೈಟ್: http://www.stmarysbangalore.com/