ಬೀದರ್

ಬೀದರ್ ಜಿಲ್ಲೆಯು  ಡೆಕ್ಕನ್ ಪ್ಲಾಟು ಭೂಮಿಯ   ಹೃದಯ ಭಾಗದಲ್ಲಿದೆ. ಈ ಜಿಲ್ಲೆಯು ಸಾಂಸ್ಕೃತಿಕ ಪ್ರಭಾವಗಳಿಗೆ ಅತ್ಯಂತ ಮಹತ್ವದ ಸ್ಥಳವಾಗಿದೆ.ಅದರ ಇತಿಹಾಸದ ಅವಧಿಯಲ್ಲಿ ನಾಟಕೀಯ ಬದಲಾವಣೆಗಳನ್ನು ಕಂಡ ಪ್ರದೇಶವು ಭವ್ಯವಾದ ಸ್ಮಾರಕಗಳಿಗೆ ನೆಲೆಯಾಗಿದೆ.

ಈ ಜಿಲ್ಲೆಯನ್ನು ಹಲವು ರಾಜರು ವಿವಿಧ ಸಮಯಗಳಲ್ಲಿ ಆಳ್ವಿಕೆಯನ್ನು ಮಾಡಿದ್ದಾರೆ ಉದಾಹರಣೆಗೆ  ಕಾಕತೀಯರು, ತುಘಲಕರು, ಬಹಮನಿ, ಬರೀದ್ ಶಾಹಿಸ್, ಆದಿಲ್ ಶಾಹಿಸ್, ಮೊಘಲರು ಮತ್ತು ನಿಜಾಮರು,ಇದರ ವಾಸ್ತುಶಿಲ್ಪವು ಹಿಂದೂ ಟರ್ಕಿಶ್ ಮತ್ತು ಪರ್ಷಿಯನ್ ಶೈಲಿಗಳ ಬೆರೆಯುವಿಕೆಯನ್ನು ತೋರಿಸುತ್ತದೆ. ಮಧ್ಯಕಾಲೀನ ಬೀದರ್ ರಾಜಧಾನಿಯಾಗಿ ಮಾತ್ರವಲ್ಲದೆ, ಸಂಸ್ಕೃತಿ ಮತ್ತು ಕಲಿಕೆಯ ಕೇಂದ್ರವಾಗಿಯೂ ಪ್ರಸಿದ್ಧವಾಗಿತ್ತು.

ಬೀದರ್ ಜಿಲ್ಲೆಯು ಬಿದ್ರಿ ಕರಕುಶಲ ಉತ್ಪಾದನೆಗಳಿಗೆ ಮತ್ತು ಅದರ ಶ್ರೀಮಂತಿಕೆಗೆ ಬಹಳ ಹೆಸರುವಾಸಿಯಾಗಿತ್ತು. ದಕ್ಷಿಣ ಭಾರತದ ಸಿಖ್ ತೀರ್ಥಯಾತ್ರೆಯ ಪವಿತ್ರ ಸ್ಥಳಗಳಲ್ಲಿ ಒಂದೆಂದು ಪರಿಗಣಿಸಲಾಗಿರುವ ಬೀದರ ನಾನಕ್ ಝೀರಾ ಸಾಹಿಬ್ ಅವರ ನೆಲೆಯಾಗಿದೆ.

ಬೀದರ ಜಿಲ್ಲೆಯು 12 ನೇ ಶತಮಾನದಲ್ಲಿ ಬಸವೇಶ್ವರ, ಅಲ್ಲಮ ಪ್ರಭು ಮತ್ತು ಇತರರು ನೇತೃತ್ವದ ಶರಣ (ವೀರಶೈವ) ಚಳವಳಿಯ ಉದಯಕ್ಕೆ ಬೀದರ್ ಸಾಕ್ಷಿಯಾಯಿತು. ಇದು ಸಾಮಾಜಿಕ, ಧಾರ್ಮಿಕ, ಸಾಹಿತ್ಯಿಕ, ಸಾಂಸ್ಕೃತಿಕ ಮತ್ತು ಆರ್ಥಿಕ ಕ್ಷೇತ್ರಗಳಲ್ಲಿ ಹೊಸ ಅಧ್ಯಾಯವನ್ನು ತಂದಿತು ಮತ್ತು ಅದು ರಾಜ್ಯದ ಮೇಲೆ ಮುಖ್ಯ ಪ್ರಭಾವ ಬೀರಿತು.

ಭೌಗೋಳಿಕವಾಗಿ ನೋಡುವುದಾದರೆ, ಬೀದರ- ದಕ್ಷಿಣದಲ್ಲಿ ಕಲಬುರ್ಗಿ, ಪೂರ್ವದಲ್ಲಿ ತೆಲಂಗಾಣ, ಉತ್ತರ ಮತ್ತು ಪಶ್ಚಿಮದಲ್ಲಿ ಮಹಾರಾಷ್ಟ್ರವಿದೆ. ಕರ್ನಾಟಕದ ಉತ್ತರ ತುದಿಯಲ್ಲಿರುವ ಬೀದರನ್ನು ರಾಜ್ಯದ ಮುಕುಟವಾಗಿದೆ.

ಕರೆಜ್ ಎಂಬ ವಿಶಿಷ್ಟ ಪ್ರಾಚೀನ ನೀರು ಸರಬರಾಜು ತಂತ್ರಕ್ಕೆ ಹೆಸರುವಾಸಿಯಾಗಿದೆ. ಬೆಂಗಳೂರಿನಿಂದ ಸುಮಾರು 690ಕಿ.ಮೀ ದುರವಿದ್ದು ಹೆಚ್ಚಾಗಿ ಒಣ ಮತ್ತು ಉಷ್ಣ ಪ್ರದೇಶವಾಗಿರುತ್ತದೆ.

ಹೆಚ್ಚಿನ ಮಾಹಿತಿಗಾಗಿ, ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ ಕ್ಲಿಕ್ ಮಾಡಿ