Karnataka logo

Karnataka Tourism
GO UP

ಗುರುನಾನಕ್ ಜೀರಾ ಸಾಹಿಬ್ ಗುರುದ್ವಾರ

separator
ಕೆಳಗೆ ಸ್ಕ್ರಾಲ್ ಮಾಡಿ

ಗುರುನಾನಕ್ ಜೀರಾ ಸಾಹಿಬ್ ಗುರುದ್ವಾರ ಭಾರತದ ದಕ್ಷಿಣ ಭಾಗದ ಕೆಲವೇ ಗುರುದ್ವಾರಗಳಲ್ಲಿ ಒಂದಾಗಿದೆ ಮತ್ತು ಸಿಖ್ ಸಮುದಾಯದಿಂದ ಪೂಜಿಸಲ್ಪಡುವ ಬೀದರ್‌ನ ಜನಪ್ರಿಯ ಮಂದಿರವಾಗಿದೆ. ಬೀದರ್ ಕರ್ನಾಟಕದ ಉತ್ತರದ ತುದಿಯ ಜಿಲ್ಲೆ ಮತ್ತು ಬೆಂಗಳೂರಿನಿಂದ 700 ಕಿ.ಮೀ ದೂರದಲ್ಲಿದೆ.

ಇತಿಹಾಸ: 16 ನೇ ಶತಮಾನದಲ್ಲಿ, ಸಿಖ್ ಧರ್ಮದ ಸಂಸ್ಥಾಪಕ ಮತ್ತು ಮೊದಲ ಸಿಖ್ ಗುರುಗಳಾದ ಗುರುನಾನಕ್ ಅವರು ದಕ್ಷಿಣ ಭಾರತ ಪ್ರವಾಸದ ಭಾಗವಾಗಿ ಬೀದರ್‌ಗೆ ಭೇಟಿ ನೀಡಿದರು. ಅವರ ಆಶೀರ್ವಾದ ಪಡೆಯಲು ಸ್ಥಳೀಯರು ಗುರುನಾನಕರನ್ನು ಭೇಟಿ ಮಾಡಿದರು ಮತ್ತು ಹಳ್ಳಿಗಳಲ್ಲಿ ಇರುವ ತೀವ್ರ ನೀರಿನ ಕೊರತೆಯ ಬಗ್ಗೆ ತಿಳಿಸಿದರು. ಶುದ್ಧ ನೀರನ್ನು ನೀಡುವ ಸಣ್ಣ ಬುಗ್ಗೆಯನ್ನು ರಚಿಸುವ ಮೂಲಕ ಗುರುನಾನಕ್ ಹಳ್ಳಿಗರಿಗೆ ಸಹಾಯ ಮಾಡಿದರು. ಗುರುದ್ವಾರವನ್ನು ಈ ನೆನಪಿನಲ್ಲಿ ನಿರ್ಮಿಸಲಾಗಿದೆ, ಅದು ಆ ಸಿಹಿನೀರಿನ ಬುಗ್ಗೆ ಇಂದಿಗೂ ಕಾರ್ಯನಿರ್ವಹಿಸುತ್ತದೆ.

ಗುರುನಾನಕ್ ಜೀರಾ ಸಾಹಿಬ್ ಗುರುದ್ವಾರವನ್ನು ಭೇಟಿ ಮಾಡಲು ಕಾರಣಗಳು:

  • ಲಂಗರ್: ಲಂಗರ್ ಗುರುದ್ವಾರಗಳಲ್ಲಿನ ಸಮುದಾಯ ಅಡಿಗೆಮನೆಯಾಗಿದ್ದು, ಭೇಟಿ ನೀಡುವವರು ಸ್ವಯಂಸೇವಕರಾಗಿ ಸಹಾಯ ಮಾಡಬಹುದು. ಲಂಗರ್ ಪ್ರತಿದಿನ ಭಕ್ತರಿಗೆ ಉಚಿತ ಊಟ ಒದಗಿಸುತ್ತದೆ.
  • ಸಿಖ್ ಸಂಗ್ರಹಾಲಯ: ಸಿಖ್ ಸಮುದಾಯ, ಪ್ರಮುಖ ವ್ಯಕ್ತಿಗಳು ಮತ್ತು ಅವರ ಕೊಡುಗೆಗಳಿಗೆ ಸಂಬಂಧಿಸಿದ ಮಹತ್ವದ ಘಟನೆಗಳನ್ನು ಮತ್ತು ಚಿತ್ರಗಳನ್ನು ನೋಡಬಹುದಾಗಿದೆ.
  • ಅಮೃತ್ ಕುಂಡ: ಗುರುದ್ವಾರದ ಮುಂಭಾಗದಲ್ಲಿರುವ ಪವಿತ್ರ ಕೊಳ, ಹತ್ತಿರದ ಬುಗ್ಗೆಯಿಂದ ನೀರನ್ನು ಸಂಗ್ರಹಿಸುತ್ತದೆ.
  • ಪವಿತ್ರ ಪುಸ್ತಕ: ಗುರು ಗ್ರಂಥ ಸಾಹಿಬ್ ಎಂದು ಕರೆಯಲ್ಪಡುವ ಸಿಖ್ಖರ ಪವಿತ್ರ ಪುಸ್ತಕವನ್ನು  ಸಂದರ್ಶಕರು ನೋಡಬಹುದಾಗಿದೆ.

ತಲುಪುವುದು ಹೇಗೆ: ಬೀದರ್ ನಗರ ಬೆಂಗಳೂರಿನಿಂದ 700 ಕಿ.ಮೀ ದೂರದಲ್ಲಿದೆ. ಇತ್ತೀಚೆಗೆ ತೆರೆಯಲಾದ ಬೀದರ್ ವಿಮಾನ ನಿಲ್ದಾಣವು ಹತ್ತಿರದ ವಿಮಾನ ನಿಲ್ದಾಣವಾಗಿದೆ (ಗುರುದ್ವಾರದಿಂದ 4 ಕಿ.ಮೀ), ಇದು ಬೆಂಗಳೂರಿನಿಂದ ದಿನಕ್ಕೆ ಒಂದು ಬಾರಿ ವಿಮಾನ ಸೇವೆಯನ್ನು ಹೊಂದಿದೆ. ಹೈದರಾಬಾದ್ ವಿಮಾನ ನಿಲ್ದಾಣವು ಮುಂದಿನ ಅತ್ಯುತ್ತಮ ಆಯ್ಕೆಯಾಗಿದೆ (ಬೀದರ್ ನಿಂದ 150 ಕಿ.ಮೀ.) ಬೀದರ್ ನಗರ ರೈಲು ನಿಲ್ದಾಣ ಗುರುದ್ವಾರದಿಂದ 4 ಕಿ.ಮೀ ದೂರದಲ್ಲಿದೆ. ಬೀದರ್ ತಲುಪಲು ಬೆಂಗಳೂರಿನಿಂದ ಬಸ್ಸುಗಳು ಮತ್ತು ರೈಲುಗಳು ಲಭ್ಯವಿದೆ.

ವಸತಿ: ಬೀದರ್ ನಗರದಲ್ಲಿ ಹಲವಾರು ಬಜೆಟ್ ಮತ್ತು ಮಧ್ಯ ಶ್ರೇಣಿಯ ಹೋಟೆಲ್‌ಗಳಿವೆ.

 

Tour Location

 

Leave a Reply

Accommodation
Meals
Overall
Transport
Value for Money

Screen Reader A- A A+