Karnataka_Tourism
|ಲಾಗಿನ್ ಮಾಡಿ
Karnataka_Tourism_Logo

ಸಂಬಂಧಿತ ಕೊಂಡಿಗಳು

kstdc logo

ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ

Jungle lodges logo

ಜಂಗಲ್ ಲಾಡ್ಜಸ್ ಮತ್ತು ರಿಸಾರ್ಟ್ಸ್

X (Twitter)

ಸಂಬಂಧಿತ ಕೊಂಡಿಗಳು

kstdc logo

ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ

Jungle lodges logo

ಜಂಗಲ್ ಲಾಡ್ಜಸ್ ಮತ್ತು ರಿಸಾರ್ಟ್ಸ್

ನಮ್ಮನ್ನು ಸಂಪರ್ಕಿಸಿ

ಮುಖ್ಯ ಕಛೇರಿ ವಿಳಾಸ:

ಪ್ರವಾಸೋದ್ಯಮ ಇಲಾಖೆ 5ನೇ ಮಹಡಿ, ಇಂಧನ ಭವನ, ರೇಸ್ ಕೋರ್ಸ್ ರಸ್ತೆ,

ಬೆಂಗಳೂರು-560 009, ಕರ್ನಾಟಕ, ಭಾರತ

☎ +91-80-2235-2828

feedback@karnatakatourism.org

ಎಲ್ಲಿಗೆ ಹೋಗಬೇಕು

ಗಮ್ಯಸ್ಥಾನಗಳುಅನುಭವಗಳುಆಕರ್ಷಣೆಗಳುಕಾರ್ಯಕ್ರಮಗಳು ಮತ್ತು ರೋಡ್‌ಶೋಗಳು

ನಿಮ್ಮ ಪ್ರವಾಸವನ್ನು ಯೋಜಿಸಿ

ವಿಶೇಷ ಪ್ರವಾಸಗಳುಪ್ರವಾಸ ಸಲಹೆಗಳುವಸತಿ ವ್ಯವಸ್ಥೆಸಾರಿಗೆವೀಸಾ ಮತ್ತು ಪ್ರವಾಸ ದಾಖಲೆಗಳು

ಹೊಸದೇನು

ಇತ್ತೀಚಿನಬ್ಲಾಗ್‌ಗಳುಸ್ಪರ್ಧೆಗಳುಟೆಂಡರ್‌ಗಳುಹೆಚ್ಚು

ವ್ಯಾಪಾರ ಮತ್ತು ಪಾಲುದಾರಿಕೆ

ಸರ್ಕಾರಿ ಸೇವೆಗಳುಹೂಡಿಕೆ ಅವಕಾಶಗಳು

ಕೊನೆಯದಾಗಿ ಪರಿಶೀಲಿಸಿ ನವೀಕರಿಸಿದ ದಿನಾಂಕ: 18 November 2026

ನಿಯಮಗಳು ಮತ್ತು ಷರತ್ತುಗಳುಸೈಟ್ ನಕ್ಷೆಪದೇ ಪದೇ ಕೇಳಲಾಗುವ ಪ್ರಶ್ನೆಗಳುನಿರಾಕರಣೆಕುಕೀ ನೀತಿಗೌಪ್ಯತಾ ನೀತಿಪ್ರತಿಕ್ರಿಯೆನಮ್ಮ ಬಗ್ಗೆ

ಕೊನೆಯದಾಗಿ ಪರಿಶೀಲಿಸಿ ನವೀಕರಿಸಿದ ದಿನಾಂಕ: 18 November 2026

ಹಕ್ಕುಸ್ವಾಮ್ಯ © 2026 ಕರ್ನಾಟಕ ಸರ್ಕಾರದ ಪ್ರವಾಸೋದ್ಯಮ ಇಲಾಖೆ. ಎಲ್ಲಾ ಹಕ್ಕುಗಳನ್ನು ಕಾಯ್ದಿರಿಸಲಾಗಿದೆ

ಬೆಂಗಳೂರು: ಉದ್ಯಾನ ನಗರಿಯ ಪ್ರಶಾಂತತೆ ಮತ್ತು ಭಾರತದ ಅತ್ಯಂತ ದಿಟ್ಟ ಆಲೋಚನೆಗಳ ಸಂಗಮ.
  1. ಮುಖಪುಟ
  2. ಪ್ರವಾಸಿ ತಾಣಗಳು
  3. ಬೆಂಗಳೂರು: ಉದ್ಯಾನ ನಗರಿಯ ಪ್ರಶಾಂತತೆ ಮತ್ತು ಭಾರತದ ಅತ್ಯಂತ ದಿಟ್ಟ ಆಲೋಚನೆಗಳ ಸಂಗಮ.
ಭಾರತದ ಸಿಲಿಕಾಲ್ ಕಣಿವೆ

ಬೆಂಗಳೂರು: ಉದ್ಯಾನ ನಗರಿಯ ಪ್ರಶಾಂತತೆ ಮತ್ತು ಭಾರತದ ಅತ್ಯಂತ ದಿಟ್ಟ ಆಲೋಚನೆಗಳ ಸಂಗಮ.

ರಾಜಮನೆತನದ ಅರಮನೆಗಳು, ಕ್ರಾಫ್ಟ್ ಬ್ರೂವರೀಸ್‌, ಕೆಫೆ ಮತ್ತು ನಿರಂತರ ಆವಿಷ್ಕಾರದ ಮನೋಭಾವದ ಹಸಿರು ರಾಜಧಾನಿ.

ನಿಮ್ಮ ಪ್ರಯಾಣವನ್ನು ಯೋಜಿಸಿ
ಸ್ಥಳ

ಸ್ಥಳ

ಬೆಂಗಳೂರು ನಗರ

ಅತ್ಯುತ್ತಮ ಸಮಯ

ಅತ್ಯುತ್ತಮ ಸಮಯ

ವರ್ಷವಿಡೀ

ಸೂಕ್ತ ಪ್ರವಾಸದ ಅವಧಿ

ಸೂಕ್ತ ಪ್ರವಾಸದ ಅವಧಿ

3 ದಿನಗಳು

cc @Arpit Anand

ಬೆಂಗಳೂರಿನ ಕುರಿತು

ಇತಿಹಾಸ ಮತ್ತು ಪರಂಪರೆ

ಅಧಿಕೃತವಾಗಿ ಕರ್ನಾಟಕದ ರಾಜಧಾನಿಯಾಗಿರುವ ಹಾಗೂ ಭಾರತದ ‘ಸಿಲಿಕಾನ್ ವ್ಯಾಲಿ’ ಎಂದು ಪ್ರಸಿದ್ಧಿ ಪಡೆದಿರುವ ಬೆಂಗಳೂರು, ಯಾವುದೇ ಒಂದೇ ಚೌಕಟ್ಟಿಗೆ ಸಿಗದ ಅಪರೂಪದ ನಗರ. ಇದು ಆಧುನಿಕ ತಂತ್ರಜ್ಞಾನದ ಕೇಂದ್ರವೂ ಹೌದು, ನೂರಾರು ವರ್ಷಗಳ ಸಮೃದ್ಧ ಪರಂಪರೆಯ ರಕ್ಷಕನೂ ಹೌದು. ಇಲ್ಲಿನ ಕನ್ನಡಿ ಗಾಜಿನ ನವೋದ್ಯಮ (ಸ್ಟಾರ್ಟ್-ಅಪ್) ಆವರಣಗಳು, ಕ್ರಾಫ್ಟ್-ಬೀರ್ ತಾಣಗಳು ಮತ್ತು ದಕ್ಷಿಣ ಭಾರತದ ಅತ್ಯಂತ ಕ್ರಿಯಾಶೀಲ ಸಂಗೀತ ವೇದಿಕೆಗಳ ಪಕ್ಕದಲ್ಲೇ ಟಿಪ್ಪು ಸುಲ್ತಾನರ ಅರಮನೆಗಳು ಹಾಗೂ ಹೈದರ್ ಅಲಿಯ ಕಾಲದ ಉದ್ಯಾನಗಳು ಶಾಂತವಾಗಿ ಉಸಿರಾಡುತ್ತವೆ. ಸಮುದ್ರ ಮಟ್ಟದಿಂದ ಸುಮಾರು ೯೦೦ ಮೀಟರ್ ಎತ್ತರದಲ್ಲಿರುವ ಈ ನಗರವು ಭಾರತದ ಪ್ರಮುಖ ಮೆಟ್ರೋ ನಗರಗಳ ಪೈಕಿ ಅತ್ಯಂತ ಮುದ ನೀಡುವ ಹವಾಮಾನವನ್ನು ಹೊಂದಿದೆ. ಈ ತಂಪಾದ ವಾತಾವರಣದಿಂದಾಗಿಯೇ ಬೆಂಗಳೂರಿಗರು ಇದನ್ನು ಪೂರ್ಣ ಹೃದಯದಿಂದ ‘ಉದ್ಯಾನ ನಗರಿ’ (ಗಾರ್ಡನ್ ಸಿಟಿ) ಎಂದು ಕರೆಯುತ್ತಾರೆ.

'ಬೆಂಗಳೂರು' ಎಂಬ ಹೆಸರು ಸಾವಿರ ವರ್ಷಗಳಿಗಿಂತಲೂ ಸುದೀರ್ಘವಾದ ಇತಿಹಾಸವನ್ನು ಹೊಂದಿದೆ. ಈ ಹೆಸರು ಮೊದಲ ಬಾರಿಗೆ ಒಂಬತ್ತನೇ ಶತಮಾನದ ಶಾಸನವೊಂದರಲ್ಲಿ ಕಂಡುಬರುತ್ತದೆ. ಇನ್ನು ಜನಪದ ಕಥೆಯೊಂದು ಇದಕ್ಕೆ ಮತ್ತಷ್ಟು ಸೊಗಸಾದ ತಿರುವನ್ನು ನೀಡುತ್ತದೆ: ಹಸಿವಿನಿಂದ ಬಳಲಿದ್ದ ಹೊಯ್ಸಳ ರಾಜನೊಬ್ಬನಿಗೆ ವೃದ್ಧೆಯೊಬ್ಬಳು ನೀಡಿದ ಬೇಯಿಸಿದ ಕಾಳಿನ ಉಪಚಾರ, ತದನಂತರ ಈ ಊರಿಗೆ 'ಬೆಂದ ಕಾಳು ಊರು' ಎಂಬ ಹೆಸರು ಬಂತು ಎಂಬ ಪ್ರತೀತಿಯಿದೆ. ೧೫೩೭ ರಲ್ಲಿ ನಾಡಪ್ರಭು ಕೆಂಪೇಗೌಡರು ಯೋಜಿತ ನಗರವಾಗಿ ನಿರ್ಮಿಸಿದ ಈ ಊರು, ೨೦೧೪ ರಲ್ಲಿ ಅಧಿಕೃತವಾಗಿ ಮತ್ತೆ 'ಬೆಂಗಳೂರು' ಎಂಬ ತನ್ನ ಮೂಲ ಹೆಸರನ್ನೇ ಪಡೆದುಕೊಂಡಿತು.

ಮೊದಲ ಬಾರಿಗೆ ಭೇಟಿ ನೀಡುವ ಪ್ರವಾಸಿಗರಿಗೆ ಬೆಂಗಳೂರು ಆಧುನಿಕ ಹಾಗೂ ಜಾಗತಿಕ ಕರ್ನಾಟಕದ ಪರಿಚಯ ಮಾಡಿಕೊಡುತ್ತದೆ. ಇನ್ನು ಪದೇ ಪದೇ ಭೇಟಿ ನೀಡುವವರಿಗೆ ಈ ನಗರವು ತನ್ನ ಹೊಸ ಹೊಸ ಪದರಗಳನ್ನು ಅನಾವರಣಗೊಳಿಸುತ್ತಾ ಹೋಗುತ್ತದೆ—ಮಾಹಿತಿ ತಂತ್ರಜ್ಞಾನ ಪಾರ್ಕ್‌ನ ಹಿಂದಿರುವ ಬ್ರಿಟಿಷ್ ಕಾಲದ ಚರ್ಚ್, ನಗರದ ಅತ್ಯುತ್ತಮ ಇಡ್ಲಿ-ವಡೆ ಬಡಿಸುವ ಶತಮಾನದ ಇತಿಹಾಸವಿರುವ ದರ್ಶಿನಿ ಹೋಟೆಲ್, ಹಾಗೂ ಸಾಮ್ರಾಜ್ಯಗಳನ್ನೇ ಕಂಡು ಉಳಿದುಕೊಂಡಿರುವ ಸಸ್ಯಶಾಸ್ತ್ರೀಯ ಉದ್ಯಾನವನಗಳು ಇಲ್ಲಿನ ವಿಶೇಷ. ನೀವು ಇಲ್ಲೊಂದು ಮಧ್ಯಾಹ್ನವನ್ನು ಕಳೆಯಲು ಬಯಸಲಿ ಅಥವಾ ಇಡೀ ವಾರವನ್ನೇ ಮೀಸಲಿಡಲಿ, ನಿಮ್ಮ ಭೇಟಿಯನ್ನು ಅರ್ಥಪೂರ್ಣವಾಗಿಸಲು ಅಗತ್ಯವಿರುವ ಎಲ್ಲ ಮಾಹಿತಿಯನ್ನು ಈ ಮಾರ್ಗದರ್ಶಿ ಒದಗಿಸುತ್ತದೆ.

ಐತಿಹಾಸಿಕ ಹೆಜ್ಜೆಗುರುತುಗಳು: ಬೆಂಗಳೂರಿನ ದಾಖಲಿತ ಇತಿಹಾಸವು ಕ್ರಿ.ಶ. ೧೫೩೭ ರಿಂದ ಪ್ರಾರಂಭವಾಗುತ್ತದೆ. ವಿಜಯನಗರ ಸಾಮ್ರಾಜ್ಯದ ಸಾಮಂತ ರಾಜರಾಗಿದ್ದ ಯಲಹಂಕ ನಾಡಪ್ರಭು **೧ ನೇ ಕೆಂಪೇಗೌಡರು** ಡೆಕ್ಕನ್ ಪ್ರಸ್ಥಭೂಮಿಯಲ್ಲಿ ಮಣ್ಣಿನ ಕೋಟೆಯನ್ನು ಕಟ್ಟಿ, ಅದರ ಸುತ್ತಲೂ ಯೋಜಿತ ವಸಾಹತು ಪ್ರದೇಶವನ್ನು ನಿರ್ಮಿಸಿದರು. ನಗರದ ಗಡಿಗಳನ್ನು ಗುರುತಿಸಲು ಅವರು ನಾಲ್ಕು ವೀಕ್ಷಣಾ ಗೋಪುರಗಳನ್ನು ಸ್ಥಾಪಿಸಿದರು; ಅವುಗಳಲ್ಲಿ ಮೂರು ಗೋಪುರಗಳು ಇಂದಿಗೂ ಸುಸ್ಥಿತಿಯಲ್ಲಿವೆ. ನಂತರದ ದಿನಗಳಲ್ಲಿ ಈ ನಗರವು ಮೊಘಲರು, ಮೈಸೂರಿನ ಒಡೆಯರ ಕೈಸೇರಿ, ತದನಂತರ ಹೈದರ್ ಅಲಿ ಮತ್ತು ಟಿಪ್ಪು ಸುಲ್ತಾನರ ಆಡಳಿತಕ್ಕೊಳಪಟ್ಟಿತು. ಅವರು ಬೆಂಗಳೂರನ್ನು ಪ್ರಬಲ ಆಡಳಿತಾತ್ಮಕ ಹಾಗೂ ಸೈನಿಕ ರಾಜಧಾನಿಯಾಗಿ ಪರಿವರ್ತಿಸಿದರು.

ಹೈದರ್ ಅಲಿಯವರು ೧೭೬೦ ರಲ್ಲಿ ಲಾಲಬಾಗ್ ಸಸ್ಯಶಾಸ್ತ್ರೀಯ ಉದ್ಯಾನವನಕ್ಕೆ ತಡಿಹಾಕಿದರೆ, ಅವರ ಮಗ ಟಿಪ್ಪು ಸುಲ್ತಾನ್ ಅದನ್ನು ಮತ್ತಷ್ಟು ವಿಸ್ತರಿಸಿದ್ದಲ್ಲದೆ, ಇಂದಿಗೂ ಅವರ ಹೆಸರನ್ನೇ ಹೊತ್ತಿರುವ ಬೇಸಿಗೆ ಅರಮನೆಯನ್ನು (Summer Palace) ನಿರ್ಮಿಸಿದರು. ೧೭೯೯ ರ ಶ್ರೀರಂಗಪಟ್ಟಣದ ಯುದ್ಧದ ನಂತರ, ಬ್ರಿಟಿಷ್ ಈಸ್ಟ್ ಇಂಡಿಯಾ ಕಂಪನಿಯು ನಗರದ ನಿಯಂತ್ರಣವನ್ನು ತೆಗೆದುಕೊಂಡು, ಕಂಟೋನ್ಮೆಂಟ್ (ಹಿಂಡುಪಾಳ್ಯ) ಪ್ರದೇಶವನ್ನು ತನ್ನ ಬಳಿಯೇ ಇಟ್ಟುಕೊಂಡು ಆಡಳಿತವನ್ನು ಮೈಸೂರು ಒಡೆಯರಿಗೆ ಹಸ್ತಾಂತರಿಸಿತು. ಈ ದ್ವಿಮುಖ ಗುರುತು—ಅಂದರೆ ಹಳೆಯ ಮಾರುಕಟ್ಟೆ ಪ್ರದೇಶವಾದ **’ಪೇಟೆ’** ಮತ್ತು ಬ್ರಿಟಿಷ್ ಶೈಲಿಯ’ಕಂಟೋನ್ಮೆಂಟ್’- ಬೆಂಗಳೂರಿನ ನಗರ ರಚನೆಯನ್ನು ರೂಪಿಸಿತು. ಇದು ಇಂದಿಗೂ ಇಲ್ಲಿನ ರಸ್ತೆಗಳ ಹೆಸರುಗಳು, ವಾಸ್ತುಶಿಲ್ಪ ಮತ್ತು ಆಹಾರ ಸಂಸ್ಕೃತಿಯಲ್ಲಿ ಸ್ಪಷ್ಟವಾಗಿ ಎದ್ದು ಕಾಣುತ್ತದೆ.

ಆಧುನಿಕ ಪಯಣ – ಸ್ವಾತಂತ್ರ್ಯೋತ್ತರ ಭಾರತದಲ್ಲಿ ಬೆಂಗಳೂರು ಪ್ರಮುಖ ಸಾರ್ವಜನಿಕ ವಲಯದ ಉದ್ಯಮಗಳ ಕೇಂದ್ರವಾಯಿತು. ಹಿಂದುಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (HAL), ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ (BEL) ಮತ್ತು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಗಳು (ISRO) ಇಲ್ಲಿ ನೆಲೆಗೊಂಡವು. ೧೯೯೦ ರ ದಶಕದಲ್ಲಿ ನಗರವು ಮತ್ತೊಂದು ಮಹತ್ವದ ತಿರುವು ಪಡೆದು, ಭಾರತದ ಸಾಫ್ಟ್‌ವೇರ್ ರಫ್ತು ಕ್ರಾಂತಿಯ ಕೇಂದ್ರಬಿಂದುವಾಯಿತು. ಇಂದು ಇದು ಜಾಗತಿಕ ತಂತ್ರಜ್ಞಾನ ದೈತ್ಯರ ಪ್ರಧಾನ ಕಚೇರಿಗಳಿಗೆ ಹಾಗೂ ದಕ್ಷಿಣ ಏಷ್ಯಾದಲ್ಲೇ ಅತ್ಯಂತ ಹೆಚ್ಚಿನ ಸಂಖ್ಯೆಯ ನವೋದ್ಯಮಗಳಿಗೆ (Startups) ಮನೆಯಾಗಿದೆ. ಇದರ ಜೊತೆಜೊತೆಗೇ ಬ್ರಿಟಿಷ್ ಕಾಲಕ್ಕಿಂತಲೂ ಮುಂಚಿನ ಪ್ರಾಚೀನ ದೇವಾಲಯಗಳು, ಅರಮನೆಗಳು ಮತ್ತು ಹಸಿರು ಉದ್ಯಾನಗಳನ್ನು ಅತ್ಯಂತ ಜಾಗರೂಕತೆಯಿಂದ ಜತನವಾಗಿ ಕಾಯ್ದುಕೊಂಡು ಬಂದಿದೆ.

cc @Arpit Anand

VidhanaSoudtha-14thAugust2022-5-1-scaled

ವೈಭವದಿಂದ ಕಂಗೊಳಿಸುವ ವಿಧಾನ ಸೌಧ: ವೈಭವದಿಂದ ಕಂಗೊಳಿಸುವ ವಿಧಾನ ಸೌಧ: ಕರ್ನಾಟಕದ ಭವ್ಯ ಶಾಸಕಾಂಗದ ಈ ಐತಿಹಾಸಿಕ ತಾಣವು ಕತ್ತಲಾವರಿಸಿದ ನಂತರ ದೀಪಾಲಂಕಾರದಿಂದ ಜಗಮಗಿಸುತ್ತದೆ,

ಅನುಭವಗಳು

ಬೆಂಗಳೂರಿನಲ್ಲಿ ಮಾಡಬಹುದಾದ ಚಟುವಟಿಕೆಗಳು

Bangalore-Palace

ಬೆಂಗಳೂರು ಅರಮನೆಯನ್ನು ಅನ್ವೇಷಿಸಿ

ನಗರದ ಹೃದಯಭಾಗದಲ್ಲಿರುವ ಟ್ಯೂಡರ್ ಶೈಲಿಯ ಈ ರಾಜಮನೆತನದ ನಿವಾಸವು ಗೋಪುರಗಳು, ಮರದ ಕೆತ್ತನೆಯ ಒಳಾಂಗಣಗಳು ಹಾಗೂ ವಿಶಾಲವಾದ ಹುಲ್ಲುಹಾಸುಗಳನ್ನು ಹೊಂದಿದೆ.

lalbagh flower show 2

ಲಾಲ್ ಬಾಗ್ ಸಸ್ಯಶಾಸ್ತ್ರೀಯ ಉದ್ಯಾನವನದಲ್ಲಿ ಸುತ್ತಾಡಿ

ಗಾಜಿನ ಮನೆ (Glass House), ಅಪರೂಪದ ಸಸ್ಯಗಳ ಸಂಗ್ರಹ ಹಾಗೂ ಅತ್ಯಂತ ಪ್ರಸಿದ್ಧವಾದ ಋತುಮಾನದ ಪುಷ್ಪ ಪ್ರದರ್ಶನಗಳಿಗೆ ಹೆಸರಾದ ಐತಿಹಾಸಿಕ ಉದ್ಯಾನವನ.

Sunrise - Nandi Hills 1

ನಂದಿ ಬೆಟ್ಟದಲ್ಲಿ ಸೂರ್ಯೋದಯವನ್ನು ಕಣ್ತುಂಬಿಕೊಳ್ಳಿ

ನಗರದಿಂದ ಸ್ವಲ್ಪವೇ ದೂರದಲ್ಲಿರುವ, ಐತಿಹಾಸಿಕ ಕೋಟೆಯ ಗೋಡೆಗಳು, ವಿಸ್ತಾರವಾದ ದೃಶ್ಯಾವಳಿಗಳು ಹಾಗೂ ಕರ್ನಾಟಕದ ಅತ್ಯಂತ ಪ್ರಸಿದ್ಧ ಸೂರ್ಯೋದಯದ ನೋಟವನ್ನು ಹೊಂದಿರುವ ಮಂಜು ಮುಸುಕಿದ ಗಿರಿಧಾಮ.

Isckon Temple, Bangalore

ಇಸ್ಕಾನ್ ದೇವಾಲಯಕ್ಕೆ ಭೇಟಿ ನೀಡಿ, ರಾಜಾಜಿನಗರ

ಭವ್ಯವಾದ ಬೆಟ್ಟದ ಮೇಲಿರುವ ಈ ದೇವಾಲಯವು ತನ್ನ ಅದ್ಭುತ ವಾಸ್ತುಶಿಲ್ಪ, ಪ್ರಶಾಂತ ವಾತಾವರಣ ಹಾಗೂ ಸಂಜೆಯ ಆರತಿಗೆ ಹೆಸರುವಾಸಿಯಾಗಿದೆ.

Bannerghatta-NAtional-PArk

ಬನ್ನೇರುಘಟ್ಟ ಜೈವಿಕ ಉದ್ಯಾನವನವನ್ನು ಅನ್ವೇಷಿಸಿ

ನಗರದ ದಕ್ಷಿಣದ ತುದಿಯಲ್ಲಿರುವ ಮೃಗಾಲಯ, ಸಫಾರಿ ಅನುಭವಗಳು ಹಾಗೂ ಚಿಟ್ಟೆ ಉದ್ಯಾನವನವನ್ನು ಒಳಗೊಂಡಿರುವ ಕುಟುಂಬ ಸ್ನೇಹಿ ವನ್ಯಜೀವಿ ತಾಣ.

ಕಬ್ಬನ್ ಪಾರ್ಕ್‌ನಲ್ಲಿ ವಿಶ್ರಮಿಸಿ

ಕಬ್ಬನ್ ಪಾರ್ಕ್‌ನಲ್ಲಿ ವಿಶ್ರಮಿಸಿ

ಮಧ್ಯ ಬೆಂಗಳೂರಿನಲ್ಲಿರುವ ಹಸಿರು ತಾಣವಾಗಿದ್ದು, ಬೆಳಗಿನ ನಡಿಗೆ, ನೆರಳಿನ ಬಿದಿರು ಮೆಳೆಗಳು ಹಾಗೂ ಕೊಲೋನಿಯಲ್ ಕಾಲದ ಐತಿಹಾಸಿಕ ಕಟ್ಟಡಗಳಿಗೆ ಅತ್ಯಂತ ಸೂಕ್ತವಾಗಿದೆ.

ಆಳವಾದ ಅಧ್ಯಯನ

ಸಂಪೂರ್ಣವಾಗಿ ಅನ್ವೇಷಿಸಿ

Bengaluru SC2

ಭಾರತದ ಸಿಲಿಕಾನ್ ವ್ಯಾಲಿ

ಭಾರತದ ಪ್ರಮುಖ ತಂತ್ರಜ್ಞಾನ ರಾಜಧಾನಿಯಾಗಿ ಬೆಂಗಳೂರಿನ ಬೆಳವಣಿಗೆಯು ದಶಕಗಳ ಆಶೋತ್ತರದ ಸರ್ಕಾರಿ ನೀತಿಗಳು, ಶೈಕ್ಷಣಿಕ ಗಾಂಭೀರ್ಯ ಮತ್ತು ದೀರ್ಘದರ್ಶಿ ಸಾರ್ವಜನಿಕ ಯೋಜನಾ ಕಲ್ಪನೆಯನ್ನು ಆಧರಿಸಿದೆ. ೧೯೭೮ರಲ್ಲಿ ಆರ್‌.ಕೆ. ಬಾಳಿಗ ಅವರ ಕಲ್ಪನೆಯಂತೆ ಕಿಯೋನಿಕ್ಸ್ (KEONICS) ಅಡಿಯಲ್ಲಿ ಎಲೆಕ್ಟ್ರಾನಿಕ್ಸ್ ಸಿಟಿಯನ್ನು ಸ್ಥಾಪಿಸುವುದರೊಂದಿಗೆ ಭಾರತದ ಮೊದಲ ಎಲೆಕ್ಟ್ರಾನಿಕ್ಸ್ ಕೈಗಾರಿಕಾ ಪಾರ್ಕ್‌ಗೆ ಅಡಿಪಾಯ ಬಿತ್ತು. ೧೯೦೯ರಲ್ಲಿ ಸ್ಥಾಪನೆಯಾದ ಭಾರತೀಯ ವಿಜ್ಞಾನ ಸಂಸ್ಥೆಯಂತಹ (IISc) ದೇಶದ ಶ್ರೇಷ್ಠ ವೈಜ್ಞಾನಿಕ ಸಂಸ್ಥೆಗಳು ಒದಗಿಸಿದ ಎಂಜಿನಿಯರಿಂಗ್ ಸಾಮರ್ಥ್ಯ ಮತ್ತು ಸಂಶೋಧನಾ ಶ್ರೇಷ್ಠತೆಯು ಎಚ್‌ಎಎಲ್ (HAL), ಇಸ್ರೋ (ISRO) ಮತ್ತು ಬಿಇಎಲ್ (BEL) ನಂತಹ ಸಾರ್ವಜನಿಕ ವಲಯದ ದೈತ್ಯ ಸಂಸ್ಥೆಗಳನ್ನು ನಗರದತ್ತ ಆಕರ್ಷಿಸಿತು.

೧೯೯೧ರ ಭಾರತದ ಆರ್ಥಿಕ ಉದಾರೀಕರಣದ ನಂತರ, ಜಾಗತಿಕ ಬಹುರಾಷ್ಟ್ರೀಯ ಸಂಸ್ಥೆಗಳು ಈ ಅಪಾರ ಮಾನವ ಸಂಪನ್ಮೂಲವನ್ನು ಗುರುತಿಸಿದವು. ವೈಟ್‌ಫೀಲ್ಡ್ ಮತ್ತು ಔಟರ್ ರಿಂಗ್ ರೋಡ್‌ಗಳಂತಹ ಕಾರಿಡಾರ್‌ಗಳಲ್ಲಿ ಸ್ಥಾಪನೆಗೊಂಡ ಇವುಗಳ ಸೇವಾವಲಯಗಳು ಕಾಲಕ್ರಮೇಣ ಪ್ರಮುಖ ಗ್ಲೋಬಲ್ ಕ್ಯಾಪೆಬಿಲಿಟಿ ಸೆಂಟರ್‌ಗಳಾಗಿ (GCCs) ಹಾಗೂ ಆಳವಾದ ತಂತ್ರಜ್ಞಾನ (deep-tech) ಸಂಶೋಧನಾ ಕೇಂದ್ರಗಳಾಗಿ ರೂಪಾಂತರಗೊಂಡವು. ಇಂದು ಭಾರತದ ಒಟ್ಟು ಐಟಿ ಮತ್ತು ತಂತ್ರಾಂಶ ಸೇವೆಗಳ ರಫ್ತಿನಲ್ಲಿ ಕರ್ನಾಟಕವು ಸುಮಾರು ಶೇಕಡಾ ೪೦ ರಿಂದ ೪೨ ರಷ್ಟು ಪಾಲು ಹೊಂದಿದ್ದು, ಜಾಗತಿಕ ಡಿಜಿಟಲ್ ಆರ್ಥಿಕತೆಯಲ್ಲಿ ಬೆಂಗಳೂರನ್ನು ಅತ್ಯಂತ ಪ್ರಮುಖ ಮತ್ತು ಅನಿವಾರ್ಯ ಶಕ್ತಿಕೇಂದ್ರವನ್ನಾಗಿ ರೂಪಿಸಿದೆ.

lalbagh flower show 1

ದಿ ಗಾರ್ಡನ್ ಸಿಟಿ ಪರಂಪರೆ

ನಿಮ್ಮ ಪಯಣವನ್ನು ಯೋಜಿಸಿ

ಪ್ರವಾಸ ಯೋಜನೆ

1 ರಿಂದ 3 ದಿನಗಳ ಪ್ರವಾಸಕ್ಕಾಗಿ ವಿಶೇಷವಾಗಿ ರೂಪಿಸಲಾದ ದಿನವಾರು ಯೋಜನೆಯನ್ನು ಅನುಸರಿಸಿ. ನೋಡಲೇಬೇಕಾದ ಪ್ರಮುಖ ತಾಣಗಳಿಂದ ಹಿಡಿದು ಇತರ ಅನುಭವಗಳವರೆಗೆ ಇಲ್ಲಿ ಆದ್ಯತೆ ನೀಡಲಾಗಿದೆ. ಪ್ರತಿ ತಾಣದ ಪ್ರವೇಶ ಶುಲ್ಕ, ಪ್ರಯಾಣದ ಆಯ್ಕೆಗಳು ಮತ್ತು ಭೇಟಿ ನೀಡಲು ಉತ್ತಮ ಸಮಯದ ವಿವರಗಳನ್ನು ನಿಮಗೆ ನೀಡಲಾಗಿದೆ.

ಐತಿಹಾಸಿಕ ದೇವಾಲಯಗಳು, ಗೋಲ್ಡನ್ ದೋಸೆಗಳು ಮತ್ತು ಬೀದಿ ಬದಿ ಆಹಾರ ಸಂಭ್ರಮ

ಬ್ರಾಹ್ಮಿನ್ಸ್ ಕಾಫಿ ಬಾರ್ದೊಡ್ಡ ಬಸವನ ಗುಡಿ (ಬುಲ್ ಟೆಂಪಲ್)ವಿದ್ಯಾರ್ಥಿ ಭವನಲಾಲ್‌ಬಾಗ್ ಸಸ್ಯಶಾಸ್ತ್ರೀಯ ಗಾಜಿನ ಮನೆವಿ.ವಿ. ಪುರಂ ಫುಡ್ ಸ್ಟ್ರೀಟ್ (ತಿಂಡಿ ಬೀದಿ)
ಬೆಳಿಗ್ಗೆ 7:30 - 11:30

ಬ್ರಾಹ್ಮಿನ್ಸ್ ಕಾಫಿ ಬಾರ್ ಮತ್ತು ದೊಡ್ಡ ಬಸವನ ಗುಡಿ (ಬುಲ್ ಟೆಂಪಲ್)

ಶಂಕರಪುರಂನ ಪ್ರಸಿದ್ಧ 'ಬ್ರಾಹ್ಮಿನ್ಸ್ ಕಾಫಿ ಬಾರ್‌'ನಲ್ಲಿ ಬಾಯಲ್ಲಿ ಇಡುತ್ತಿದ್ದಂತೆ ಕರಗುವ ಇಡ್ಲಿ-ವಡೆ ಮತ್ತು ಘಮಘಮಿಸುವ ಫಿಲ್ಟರ್ ಕಾಫಿಯೊಂದಿಗೆ ನಿಮ್ಮ ದಿನವನ್ನು ಪ್ರಾರಂಭಿಸಿ. ನಂತರ ಬಸವನಗುಡಿಗೆ ನಡೆದುಕೊಂಡು ಹೋಗಿ ೧೬ನೇ ಶತಮಾನದ ಏಕಶಿಲೆಯ ಬೃಹತ್ ನಂದಿ ವಿಗ್ರಹವನ್ನು (ದೊಡ್ಡ ಬಸವನ ಗುಡಿ) ವೀಕ್ಷಿಸಿ ಮತ್ತು ಬگلೂರು ರಾಕ್‌ನ ಪ್ರಾಚೀನ ಬಂಡೆಗಳ ನಡುವೆ ವಿಹರಿಸಿ.

ಅತ್ಯುತ್ತಮವಾದ ಇಡ್ಲಿ-ವಡೆ ಸವಿಯಿರಿ ಮತ್ತು ೧೫ ಅಡಿಯ ಏಕಶಿಲೆಯ ಪವಿತ್ರ ನಂದಿ ಬಸವಣ್ಣನವರ ದರ್ಶನ ಪಡೆಯಿರಿ.
ಹತ್ತಿರದ ರೈಲು ನಿಲ್ದಾಣ: ಕೆಎಸ್‌ಆರ್ ಬೆಂಗಳೂರು ಸಿಟಿ ಜಂಕ್ಷನ್ (೪ ಕಿ.ಮೀ) - ಬುಲ್ ಟೆಂಪಲ್ ರಸ್ತೆ ಮೂಲಕ
ಮಧ್ಯಾಹ್ನ 12:30 - ಸಂಜೆ 4:30

ವಿದ್ಯಾರ್ಥಿ ಭವನ ಮತ್ತು ಲಾಲ್‌ಬಾಗ್ ಸಸ್ಯಶಾಸ್ತ್ರೀಯ ಗಾಜಿನ ಮನೆ

ಗಾಂಧಿ ಬಜಾರ್‌ಗೆ ತೆರಳಿ, ೧೯೪೩ರಿಂದ ಕಾರ್ಯನಿರ್ವಹಿಸುತ್ತಿರುವ 'ವಿದ್ಯಾರ್ಥಿ ಭವನ'ದಲ್ಲಿ ಅವರ ಪ್ರಸಿದ್ಧ ದಪ್ಪಗಿನ ಮಸಾಲೆ ದೋಸೆಯನ್ನು ಸವಿಯಿರಿ. ತದನಂತರ, ಲಾಲ್‌ಬಾಗ್ ಸಸ್ಯಶಾಸ್ತ್ರೀಯ ಉದ್ಯಾನವನದಲ್ಲಿರುವ ೧೮೮೯ರ ವಿಕ್ಟೋರಿಯನ್ ಗGlass House (ಗಾಜಿನ ಮನೆ), ಶತಮಾನ ಹಳೆಯ ಬೋನ್ಸಾಯ್ ಸಂಗ್ರಹ ಹಾಗೂ ಪ್ರಶಾಂತ ಸರೋವರದ ಹಾದಿಗಳಲ್ಲಿ ವಾಯುವಿಹಾರ ನಡೆಸಿ.

ವಿದ್ಯಾರ್ಥಿ ಭವನದ ವಿಶ್ವಪ್ರಸಿದ್ಧ ತುಪ್ಪದ ಮಸಾಲೆ ದೋಸೆಯನ್ನು ಸವಿಯಿರಿ ಮತ್ತು ವಿಕ್ಟೋರಿಯನ್ ಗಾಜಿನ ಮನೆಯನ್ನು ವೀಕ್ಷಿಸಿ.
ಹತ್ತಿರದ ರೈಲು ನಿಲ್ದಾಣ: ಕೆಎಸ್‌ಆರ್ ಬೆಂಗಳೂರು ಸಿಟಿ ಜಂಕ್ಷನ್ (೪.೫ ಕಿ.ಮೀ) - ಜೆ.ಸಿ. ರಸ್ತೆ ಮೂಲಕ
ಸಂಜೆ 5:30 - ರಾತ್ರಿ 9:00

ವಿ.ವಿ. ಪುರಂ ಫುಡ್ ಸ್ಟ್ರೀಟ್ (ತಿಂಡಿ ಬೀದಿ)

ಸಜ್ಜನ್ ರಾವ್ ವೃತ್ತದಲ್ಲಿರುವ ಬೆಂಗಳೂರಿನ ಪ್ರಸಿದ್ಧ ಬೀದಿ ಬದಿ ಆಹಾರದ ಬೀದಿಗೆ ಭೇಟಿ ನೀಡಿ. ಬಿಸಿ ಬಿಸಿ ಬಟರ್ ಮಸಾಲೆ ದೋಸೆ, ಪುದಿನಾ ಚಟ್ನಿಯೊಂದಿಗೆ ಗರಿಗರಿಯಾದ ಪದ್ದು, ಬಿಸಿಬಿಸಿಯಾದ ಅಕ್ಕಿ ರೊಟ್ಟಿ, ಸುಟ್ಟ ಜೋಳ ಹಾಗೂ ಐಸ್ ಕ್ರೀಮ್ ಜತೆ ಗುಲ್ಕಂದ್ ಮುಂತಾದ ಸ್ಥಳೀಯ ತಿನಿಸುಗಳನ್ನು ಸವಿಯಿರಿ.

ಬೆಂಗಳೂರಿನ ಪ್ರಮುಖ ಸಸ್ಯಹಾರಿ ಬೀದಿ ಬದಿ ಆಹಾರದ ಬೀದಿಯಲ್ಲಿ ರುಚಿಕರ ತಿನಿಸುಗಳನ್ನು ಸವಿಯಿರಿ.
ಹತ್ತಿರದ ರೈಲು ನಿಲ್ದಾಣ: ಕೆಎಸ್‌ಆರ್ ಬೆಂಗಳೂರು ಸಿಟಿ ಜಂಕ್ಷನ್ (೩.೫ ಕಿ.ಮೀ) - ಕೆ.ಆರ್. ರಸ್ತೆ ಮೂಲಕ

ಸಮೀಪದಲ್ಲಿರುವ ಆಕರ್ಷಣೆಗಳು

ಮ್ಯೂಸಿಯಂ ಆಫ್ ಆರ್ಟ್ ಅಂಡ್    ಫೋಟೋಗ್ರಫಿ, ಬೆಂಗಳೂರು

ಮ್ಯೂಸಿಯಂ ಆಫ್ ಆರ್ಟ್ ಅಂಡ್ ಫೋಟೋಗ್ರಫಿ, ಬೆಂಗಳೂರು

ಬೆಂಗಳೂರಿನ ಹೊಸ ಸಾಂಸ್ಕೃತಿಕ ಹೆಗ್ಗುರುತು: ಕಲೆ ಮತ್ತು ತಂತ್ರಜ್ಞಾನದ ಸಮ್ಮಿಲನ. ವಸ್ತುಸಂಗ್ರಹಾಲಯದ ಬಗ್ಗೆ: ಕಥನ ಕಲೆಯ ಹೊಸ ಶಕೆ. ಮ್ಯೂಸಿಯಂ ಬಗ್ಗೆ ಬೆಂಗಳೂರಿನ ಹೃದಯಭಾಗದಲ್ಲಿರುವ ಮ್ಯೂಸಿಯಂ ಆಫ್ ಆರ್ಟ್ & ಫೋಟೋಗ್ರಫಿ (MAP) ಸಂಗ್ರಹಾಲಯ ದಕ್ಷಿಣ ಭಾರತದ ಖಾಸಗಿ ಒಡೆತನವುಳ್ಳ ಮೊದಲ ಪ್ರಮುಖ ವಸ್ತುಸಂಗ್ರಹಾಲಯವಾಗಿದೆ. 2011 ರಲ್ಲಿ ಆರ್ಟ್ & ಫೋಟೋಗ್ರಫಿ ಫೌಂಡೇಶನ್ ಅನ್ನು ಅಭಿಷೇಕ್ ಪೊದ್ದಾರ್ ಅವರು ಯಾವುದೇ ಲಾಭೋದ್ದೇಶವಿಲ್ಲದ ಘಟಕವಾಗಿ ಸ್ಥಾಪಿಸಿದರು.  ಜನರಲ್ಲಿ ವಸ್ತುಸಂಗ್ರಹಾಲಯಕ್ಕೆ ಹೋಗುವ ಸಂಸ್ಕೃತಿಯನ್ನು ಹುಟ್ಟು ಹಾಕುವ ಉದ್ದೇಶದೊಂದಿಗೆ ಕಲೆಯಲ್ಲಿ ಆಸಕ್ತಿಯನ್ನು ಬೆಳೆಸುವ ಗುರಿ ಕೂಡ ಇತ್ತು. ಹೀಗಿರುವಾಗ ಸಾಂಕ್ರಾಮಿಕ ಪಿಡುಗು ನಮ್ಮ ಮುಂದಿಟ್ಟ ಸವಾಲುಗಳ ಕಾರಣಕ್ಕೆ 2020 ರಲ್ಲಿ […]

ಕರ್ನಾಟಕ ಚಿತ್ರಕಲಾ ಪರಿಷತ್ (ಸಿ.ಕೆ.ಪಿ), ಬೆಂಗಳೂರು

ಕರ್ನಾಟಕ ಚಿತ್ರಕಲಾ ಪರಿಷತ್ (ಸಿ.ಕೆ.ಪಿ), ಬೆಂಗಳೂರು

ಕರ್ನಾಟಕ ಚಿತ್ರಕಲಾ ಪರಿಷತ್ (ಸಿ.ಕೆ.ಪಿ) ಬೆಂಗಳೂರಿನ ದೃಶ್ಯ ಕಲೆಗಳ ರಂಗದ ಹೃದಯಬಡಿತವಾಗಿದೆ. ಕುಮಾರ ಕೃಪಾ ರಸ್ತೆಯ ಹಸಿರಿನ ನಡುವೆ ನೆಲೆಸಿರುವ ಈ ಪ್ರಮುಖ ಕಲಾ ಸಂಸ್ಥೆಯು ಕೇವಲ ಒಂದು ಗ್ಯಾಲರಿಗಿಂತ ಹೆಚ್ಚಾಗಿದೆ — ಇದು ಸಾಂಪ್ರದಾಯಿಕ ಮತ್ತು ಸಮಕಾಲೀನ ಕಲೆಗಳನ್ನು ಜೋಡಿಸುವ ಭಾರತೀಯ ಮತ್ತು ಜಾಗತಿಕ ಕಲೆಯ ಜೀವಂತ ಆಚರಣೆಯಾಗಿದೆ. 1960 ರ ದಶಕದಲ್ಲಿ ಹೆಸರಾಂತ ಕಲಾವಿದರು ಮತ್ತು ದಾರ್ಶನಿಕರಿಂದ ಸ್ಥಾಪಿಸಲ್ಪಟ್ಟ ಸಿ.ಕೆ.ಪಿ, ಕಲಾ ಸಂಕೀರ್ಣ ಮತ್ತು ಶೈಕ್ಷಣಿಕ ಸ್ಥಳ ಎರಡರಂತೆಯೂ ಕಾರ್ಯನಿರ್ವಹಿಸುತ್ತದೆ. ಆವರಣದಲ್ಲಿ ಬಹು ಗ್ಯಾಲರಿಗಳು, […]

ಇಸ್ಕಾನ್ ದೇವಾಲಯ, ಬೆಂಗಳೂರು

ಇಸ್ಕಾನ್ ದೇವಾಲಯ, ಬೆಂಗಳೂರು

ಆಧ್ಯಾತ್ಮಿಕ, ದೈವಿಕ

ನಂದಿ ಬೆಟ್ಟ

ನಂದಿ ಬೆಟ್ಟ

ಜನಪ್ರಿಯ ಗಿರಿಧಾಮ ವಿಹಾರ

ಕಬ್ಬನ್ ಪಾರ್ಕ್(ಶ್ರೀ ಚಾಮರಾಜೇಂದ್ರ ಪಾರ್ಕ್)

ಕಬ್ಬನ್ ಪಾರ್ಕ್(ಶ್ರೀ ಚಾಮರಾಜೇಂದ್ರ ಪಾರ್ಕ್)

ಬೆಂಗಳೂರಿನ ಹಸಿರು ಹೃದಯ

ಲಾಲ್‌ಬಾಗ್ ಬೊಟಾನಿಕಲ್ ಗಾರ್ಡನ್: ಬೆಂಗಳೂರಿನ ಹಸಿರು ಸಿರಿ

ಲಾಲ್‌ಬಾಗ್ ಬೊಟಾನಿಕಲ್ ಗಾರ್ಡನ್: ಬೆಂಗಳೂರಿನ ಹಸಿರು ಸಿರಿ

ಬೆಂಗಳೂರಿನ ಗಿಜಿಗುಟ್ಟುವ ನಗರ ಜೀವನದ ಮಧ್ಯೆ ಲಾಲ್‌ಬಾಗ್ ಬೊಟಾನಿಕಲ್ ಗಾರ್ಡನ್ ಕೇವಲ ಒಂದು ಉದ್ಯಾನವನ ಮಾತ್ರವಲ್ಲ, ಅದೊಂದು ಹಸಿರು ಸಿರಿ. ನಗರದ ದಕ್ಷಿಣ ಭಾಗದಲ್ಲಿ ನೆಲೆಸಿರುವ ಈ ಐತಿಹಾಸಿಕ ಉದ್ಯಾನವು 240 ಎಕರೆಗಳಷ್ಟು ವಿಶಾಲವಾಗಿ ಹರಡಿಕೊಂಡಿದ್ದು, ನಗರದ ಬಿಸಿಲ ಬೇಗೆಯಿಂದ ಪಾರಾಗಲು ಒಂದು ಆಹ್ಲಾದಕರ ತಾಣವಾಗಿದೆ. ನೀವು ಪ್ರಕೃತಿ ಪ್ರೇಮಿಯಾಗಿದ್ದರೆ, ಶಾಂತಿಯುತ ನಡಿಗೆಯನ್ನು ಇಷ್ಟಪಡುವವರಾಗಿದ್ದರೆ ಅಥವಾ ಛಾಯಾಗ್ರಹಣದಲ್ಲಿ ಆಸಕ್ತಿ ಹೊಂದಿದ್ದರೆ, ಲಾಲ್‌ಬಾಗ್ ನಿಮ್ಮನ್ನು ಮಂತ್ರಮುಗ್ಧರನ್ನಾಗಿಸುತ್ತದೆ. ಇಲ್ಲಿ ಅಪರೂಪದ ಸಸ್ಯ ಪ್ರಭೇದಗಳು, ವಿಶಾಲವಾದ ಹಸಿರು ಹುಲ್ಲುಹಾಸುಗಳು, ಸುಂದರವಾದ ಮರಗಳು […]

ಎಲ್ಲವನ್ನೂ ವೀಕ್ಷಿಸಿ
ಎಲ್ಲವನ್ನೂ ವೀಕ್ಷಿಸಿ

ಗ್ಯಾಲರಿ

Gallery Image 1
ಬ್ಲಾಕ್ ಪ್ಯಾಂಥರ್, ಕಬಿನಿ

ಕಬಿನಿ ಕಾಡಿನ ಮರೆಯಾಗುವ ಕಪ್ಪು ಚಿರತೆ (ಬ್ಲಾಕ್ ಪ್ಯಾಂಥರ್) ಜಾಗತಿಕ ಖ್ಯಾತಿ ಗಳಿಸಿರುವ ಅಪರೂಪದ ವನ್ಯಜೀವಿ ಅದ್ಭುತವಾಗಿದೆ. ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನದ ದಟ್ಟ ಅರಣ್ಯಗಳಲ್ಲಿ ಸಾಂದರ್ಭಿಕವಾಗಿ ಕಾಣಸಿಗುವ ಇದು, ಕರ್ನಾಟಕದ ಶ್ರೀಮಂತ ಜೀವವೈವಿಧ್ಯಕ್ಕೆ ರೋಮಾಂಚನಕಾರಿ ಆಕರ್ಷಣೆಯನ್ನು ನೀಡುತ್ತದೆ.

Gallery Image 2
Maravanthe Beach

ಮರವಂತೆ ಬೀಚ್ ಒಂದು ವಿಶಿಷ್ಟ ಕರಾವಳಿ ಅನುಭವವನ್ನು ನೀಡುತ್ತದೆ, ಇಲ್ಲಿ ಹೆದ್ದಾರಿಯು ಒಂದು ಬದಿಯಲ್ಲಿ ಅಬ್ಬರಿಸುವ ಅರಬ್ಬಿ ಸಮುದ್ರ ಮತ್ತು ಇನ್ನೊಂದು ಬದಿಯಲ್ಲಿ ಶಾಂತ ಸೌಪರ್ಣಿಕಾ ನದಿಯ ನಡುವೆ ಸಾಗುತ್ತದೆ. ಭೂದೃಶ್ಯಗಳ ಬೆರಗುಗೊಳಿಸುವ ವ್ಯತಿರಿಕ್ತತೆ, ಸುವರ್ಣ ಮರಳು ಮತ್ತು ರಮಣೀಯ ಸೂರ್ಯಾಸ್ತಗಳೊಂದಿಗೆ, ಇದು ಕರ್ನಾಟಕದ ಅತ್ಯಂತ ಸುಂದರವಾದ ಬೀಚ್ ಡ್ರೈವ್‌ಗಳಲ್ಲಿ ಒಂದಾಗಿದೆ.

Gallery Image 3
ಕಂಬಳ

ಕಂಬಳವು ಕರ್ನಾಟಕದ ಕರಾವಳಿ ಪ್ರದೇಶಗಳ ನೀರಿನಿಂದ ತುಂಬಿದ ಭತ್ತದ ಗದ್ದೆಗಳಲ್ಲಿ ನಡೆಯುವ ಸಾಂಪ್ರದಾಯಿಕ ಎಮ್ಮೆ ಓಟವಾಗಿದೆ. ಇದು ಹೆಚ್ಚು ಶಕ್ತಿಯುತ ಗ್ರಾಮೀಣ ಕ್ರೀಡೆಯಾಗಿದ್ದು, ಸಂಪ್ರದಾಯ, ಸಮುದಾಯದ ಹೆಮ್ಮೆ ಮತ್ತು ಕ್ರೀಡಾ ಮನೋಭಾವವನ್ನು ಮಣ್ಣಿನಿಂದ ಕೂಡಿದ, ರೋಮಾಂಚನಕಾರಿ ಸಂಭ್ರಮದಲ್ಲಿ ಬೆಸೆಯುತ್ತದೆ.

Gallery Image 4
ಬೀಚ್‌ನಲ್ಲಿ ಸೂರ್ಯಾಸ್ತ

ಅರಬ್ಬಿ ಸಮುದ್ರದಲ್ಲಿ ಸೂರ್ಯ ಮುಳುಗುತ್ತಿದ್ದಂತೆ, ಕರ್ನಾಟಕದ ಕರಾವಳಿಯು ಚಿನ್ನ ಮತ್ತು ಕೆಂಪುವರ್ಣದ ಕ್ಯಾನ್ವಾಸ್ ಆಗಿ ರೂಪಾಂತರಗೊಳ್ಳುತ್ತದೆ. ನೀವು ಗೋಕರ್ಣ, ಮಲ್ಪೆ ಅಥವಾ ಕೌಪ್‌ನಲ್ಲಿರಲಿ, ಸೌಮ್ಯ ಅಲೆಗಳು, ತೂಗಾಡುವ ತಾಳೆ ಮರಗಳು ಮತ್ತು ರೋಮಾಂಚಕ ಆಕಾಶವು ಶಾಂತವಾದ, ಮನಸ್ಸಿಗೆ ಮುದ ನೀಡುವ ದೃಶ್ಯವನ್ನು ಸೃಷ್ಟಿಸುತ್ತದೆ, ಇದು ಬೆಳಕು ಮರೆಯಾದ ನಂತರವೂ ದೀರ್ಘಕಾಲ ನೆನಪಿನಲ್ಲಿ ಉಳಿಯುತ್ತದೆ.

Tourism Video
Tourism Highlights
Watch our tourism video showcasing key attractions.
Gallery Image 6
ಮೈಸೂರು ಅರಮನೆ ಪ್ರಕಾಶಮಾನ

ಹಗಲಿನಲ್ಲಿ ರಾಜಗಾಂಭೀರ್ಯದಿಂದ ಕೂಡಿರುವ ಮೈಸೂರು ಅರಮನೆ ರಾತ್ರಿಯಲ್ಲಿ ಮಾಂತ್ರಿಕವಾಗಿ ತೋರುತ್ತದೆ—ಸುಮಾರು 100,000 ಬಲ್ಬ್‌ಗಳಿಂದ ಬೆಳಗಿದಾಗ ಅದು ಕಣ್ಮನ ಸೆಳೆಯುತ್ತದೆ. ಈ ವಾರಾಂತ್ಯದ ದೃಶ್ಯವು ಐತಿಹಾಸಿಕ ತಾಣವನ್ನು ಕಾಲ್ಪನಿಕ ದೃಶ್ಯವಾಗಿ ಪರಿವರ್ತಿಸುತ್ತದೆ, ಅದರ ವೈಭವಕ್ಕೆ ಮಾರುಹೋಗುವ ಜನಸಂದಣಿಯನ್ನು ಆಕರ್ಷಿಸುತ್ತದೆ.

Gallery Image 7
ಯಕ್ಷಗಾನ ಜನಪದ ಕಲೆ

ಯಕ್ಷಗಾನವು ಕರಾವಳಿ ಕರ್ನಾಟಕದ ಒಂದು ರೋಮಾಂಚಕ ಜನಪದ ರಂಗಭೂಮಿ ರೂಪವಾಗಿದ್ದು, ನೃತ್ಯ, ಸಂಗೀತ, ವಿಸ್ತಾರವಾದ ವೇಷಭೂಷಣಗಳು ಮತ್ತು ಕಥೆ ಹೇಳುವಿಕೆಯನ್ನು ಬೆಸೆಯುತ್ತದೆ. ಇದರ ನಾಟಕೀಯ ಅಭಿವ್ಯಕ್ತಿಗಳು ಮತ್ತು ಪೌರಾಣಿಕ ವಿಷಯಗಳೊಂದಿಗೆ, ಇದು ಆಧ್ಯಾತ್ಮಿಕ ಮತ್ತು ಅದ್ಭುತವಾದ ರಾತ್ರಿಯಿಡೀ ಪ್ರದರ್ಶನಗಳ ಮೂಲಕ ಪ್ರೇಕ್ಷಕರನ್ನು ಆಕರ್ಷಿಸುತ್ತದೆ.

Gallery Image 8
ವಿಧಾನಸೌಧ

ಬೆಂಗಳೂರಿನಲ್ಲಿ ಎತ್ತರವಾಗಿ ನಿಂತಿರುವ ವಿಧಾನಸೌಧವು ಕರ್ನಾಟಕದ ಶಾಸಕಾಂಗದ ಕೇಂದ್ರ ಸ್ಥಾನ ಮತ್ತು ರಾಜ್ಯದ ಹೆಮ್ಮೆಯ ಸಂಕೇತವಾಗಿದೆ. ಇದರ ಭವ್ಯವಾದ ನವ ದ್ರಾವಿಡ ವಾಸ್ತುಶಿಲ್ಪ ಮತ್ತು ರಾತ್ರಿ ವೇಳೆಯಲ್ಲಿ ಬೆಳಗುವ ಮುಂಭಾಗವು ಸಂಪ್ರದಾಯವನ್ನು ಪ್ರಜಾಪ್ರಭುತ್ವದ ಆಡಳಿತದೊಂದಿಗೆ ಬೆಸೆಯುವ ಒಂದು ಗಮನಾರ್ಹ ಹೆಗ್ಗುರುತಾಗಿದೆ.

Gallery Image 9
ಕಲ್ಲಿನ ರಥ, ಹಂಪಿ

ವಿಜಯನಗರ ವಾಸ್ತುಶಿಲ್ಪದ ಒಂದು ಮೇರುಕೃತಿ, ಹಂಪಿಯ ವಿಠ್ಠಲ ದೇವಸ್ಥಾನದಲ್ಲಿರುವ ಕಲ್ಲಿನ ರಥವು ಭಾರತದ ಅತ್ಯಂತ ಜನಪ್ರಿಯ ಸ್ಮಾರಕಗಳಲ್ಲಿ ಒಂದಾಗಿದೆ. ಸಂಪೂರ್ಣವಾಗಿ ಕಲ್ಲಿನಲ್ಲಿ ಕೆತ್ತಿದ ಈ ಏಕಶಿಲಾ ರಥವು ಒಂದು ಕಾಲದ ಕಲಾತ್ಮಕ ಪ್ರತಿಭೆ ಮತ್ತು ಎಂಜಿನಿಯರಿಂಗ್ ಕೌಶಲ್ಯಕ್ಕೆ ಸಾಕ್ಷಿಯಾಗಿ ನಿಂತಿದೆ.

ಪ್ರಶ್ನೋತ್ತರಗಳು

ಬೆಂಗಳೂರಿನ ಕುರಿತಾದ ಪ್ರಶ್ನೆಗಳು

ನಿಮ್ಮ ಮನಸ್ಸಿನಲ್ಲಿರುವ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ

ಖಂಡಿತವಾಗಿಯೂ ಹೌದು. ವಿಶ್ವದರ್ಜೆಯ ರೆಸ್ಟೋರೆಂಟ್‌ಗಳು, ಪ್ರಸಿದ್ಧ ಕ್ರಾಫ್ಟ್-ಬೀರ್ ಸಂಸ್ಕೃತಿ, ಅತ್ಯುತ್ತಮ ಮ್ಯೂಸಿಯಂಗಳು, ಪ್ರಶಾಂತ ಪುರಾತನ ದೇವಾಲಯಗಳು ಹಾಗೂ ಕೊಲೋನಿಯಲ್ ಕಾಲದ ಚರ್ಚ್‌ಗಳ ವಿಶಿಷ್ಟ ಸಮ್ಮಿಶ್ರಣವನ್ನು ಭಾರತದ ಬೇರೆ ಯಾವುದೇ ಒಂದೇ ನಗರದಲ್ಲಿ ಕಾಣುವುದು ಅಪರೂಪ. ಇದರೊಂದಿಗೆ ಏಕದಿನ ಪ್ರವಾಸದಲ್ಲಿ ವನ್ಯಜೀವಿ ಧಾಮ ಹಾಗೂ ಐತಿಹಾಸಿಕ ತಾಣಗಳನ್ನು ತಲುಪುವ ಅತ್ಯುತ್ತಮ ಸಂಪರ್ಕವನ್ನು ಇದು ಹೊಂದಿದೆ. ಹೀಗಾಗಿ ಕಿರು ಪ್ರವಾಸ ಅಥವಾ ಸುದೀರ್ಘ ವಾಸ್ತವ್ಯ - ಎರಡಕ್ಕೂ ಬೆಂಗಳೂರು ಅತ್ಯಂತ ಸೂಕ್ತ.

ಬೆಂಗಳೂರಿನ ತಂತ್ರಜ್ಞಾನದ ಹೆಗ್ಗುರುತಿನ ಹಿಂದೆ, ಎರಡು ಶತಮಾನಗಳಿಗೂ ಹೆಚ್ಚು ಕಾಲ ಅತ್ಯಂತ ಜಾಗರೂಕತೆಯಿಂದ ಪೋಷಿಸಿಕೊಂಡು ಬಂದ ಪರಿಸರ ಪರಂಪರೆಯಿದೆ. ೧೭೬೦ರಲ್ಲಿ ಹೈದರ್ ಅಲಿ ೨೪೦ ಎಕರೆ ವಿಸ್ತೀರ್ಣದ ಲಾಲ್‌ಬಾಗ್ ಸಸ್ಯಶಾಸ್ತ್ರೀಯ ಉದ್ಯಾನವನವನ್ನು ನಿರ್ಮಿಸಲು ಆದೇಶಿಸಿದಾಗ ಬೆಂಗಳೂರಿನ ಈ ಸಸ್ಯಶಾಸ್ತ್ರೀಯ ಪಯಣ ಪ್ರಾರಂಭವಾಯಿತು. ನಂತರ ಅವರ ಮಗ ಟಿಪ್ಪು ಸುಲ್ತಾನ್ ಪರ್ಷಿಯಾ, ಟರ್ಕಿ ಮತ್ತು ಮಾರಿಷಸ್‌ನಿಂದ ಅಪರೂಪದ ವಿದೇಶಿ ತಳಿಗಳ ಗಿಡಮೂಲಿಕೆಗಳನ್ನು ತಂದು ಇದನ್ನು ಮತ್ತಷ್ಟು ವಿಸ್ತರಿಸಿದರು.

ಬ್ರಿಟಿಷ್ ಆಡಳಿತಾವಧಿಯಲ್ಲಿ, ಜಾನ್ ಕ್ಯಾಮರಾನ್ ಮತ್ತು ಗುಸ್ತಾವ್ ಹರ್ಮನ್ ಕ್ರುಂಬಿಗಲ್ ಅವರಂತಹ ಪ್ರಸಿದ್ಧ ತೋಟಗಾರಿಕಾ ತಜ್ಞರು ನಗರದ ಪ್ರಮುಖ ರಸ್ತೆಗಳ ಉದ್ದಕ್ಕೂ ವರ್ಷಪೂರ್ತಿ ಸಾಲಾಗಿ ಹೂ ಅರಳುವ ಸಸ್ಯತಳಿಗಳನ್ನು ನೆಡುವ ಮೂಲಕ ಸಾರ್ವಜನಿಕ ತಾಣಗಳ ಚಿತ್ರಣವನ್ನೇ ಬದಲಾಯಿಸಿದರು. ಇದರ ಫಲವಾಗಿ ೧೮೭೦ರಲ್ಲಿ ೩೦೦ ಎಕರೆ ವಿಸ್ತೀರ್ಣದ ಕಬ್ಬನ್ ಪಾರ್ಕ್ ರೂಪುಗೊಂಡಿತು. ಸಾಲದೆಂಬಂತೆ, ದಖನ್ ಪ್ರಸ್ಥಭೂಮಿಯ ಜಲಸಂಪನ್ಮೂಲವನ್ನು ಸರಿದೂಗಿಸಲು ಪರಸ್ಪರ ಸಂಪರ್ಕ ಹೊಂದಿದ ಮಳೆನೀರು ಆಧಾರಿತ ಕೆರೆಗಳ ದೊಡ್ಡ ಜಾಲವನ್ನೇ ವಿನ್ಯಾಸಗೊಳಿಸಲಾಯಿತು.

ಆಧುನಿಕ ನಗರೀಕರಣ ಹಾಗೂ ವಿಸ್ತರಣೆಯ ನಡುವೆಯೂ, ಶತಮಾನಗಳಷ್ಟು ಹಳೆಯ ಆಲದ ಮರಗಳು, ಕೆಂಪು ಗುಲ್ಮೊಹರ್ ಮತ್ತು ತಿಳಿ ಗುಲಾಬಿ ಬಣ್ಣದ ಬೊಂಗಾಯ ಸೌಂದರ್ಯವನ್ನು ಸೂಸುವ 'ಟ್ಯಾಬೆಬುಯ ರೋಸಿಯಾ' (Tabebuia rosea) ಮರಗಳ ಹಸಿರು ಹೊದಿಕೆಯು ನಗರದ ತಂಪಾದ ವಾತಾವರಣವನ್ನು ಕಾಪಾಡಿಕೊಂಡು ಬಂದಿದ್ದು, ಇಂದಿಗೂ ಬೆಂಗಳೂರಿನ ಉನ್ನತ ಜೀವನಶೈಲಿಗೆ ಸಾಕ್ಷಿಯಾಗಿದೆ.

Bengaluru-UB City

ಭಾರತದ ಸ್ಟಾರ್ಟ್‌ಅಪ್ ರಾಜಧಾನಿ

ಬೆಂಗಳೂರು ದೇಶದ ಸಾಹಸೋದ್ಯಮ ನಿಧಿ ಆಧಾರಿತ ಉದ್ಯಮಶೀಲತೆ (Venture-backed entrepreneurship) ಮತ್ತು ವಾಣಿಜ್ಯ ನಾವೀನ್ಯತೆಯ ಪ್ರಮುಖ ಶಕ್ತಿಕೇಂದ್ರವಾಗಿದೆ. ಕೊರಮಂಗಲ, ಇಂದಿರಾನಗರ ಮತ್ತು ಎಚ್‌ಎಸ್‌ಆರ್ ಲೇಔಟ್‌ನಂತಹ ಪ್ರಮುಖ ಪ್ರದೇಶಗಳು ತಂತ್ರಜ್ಞಾನ ಇನ್‌ಕ್ಯುಬೇಟರ್‌ಗಳು, ವೆಂಚರ್ ಕ್ಯಾಪಿಟಲ್ ಫಂಡ್‌ಗಳು ಹಾಗೂ ಕೋ-ವರ್ಕಿಂಗ್‌ ಕೇಂದ್ರಗಳ ಸಾಂದ್ರತೆಯನ್ನು ಹೊಂದಿರುವ ಬೃಹತ್ ಉದ್ಯಮ ಜಾಲವಾಗಿ ಬೆಳೆದುನಿಂತಿವೆ. ಸ್ಟಾರ್ಟ್‌ಅಪ್ ವಲಯದ ಅಂಕಿಅಂಶಗಳ ಪ್ರಕಾರ, ಭಾರತದ ತಂತ್ರಜ್ಞಾನ ವಲಯಕ್ಕೆ ಹರಿದುಬರುವ ಒಟ್ಟು ಸಾಹಸೋದ್ಯಮ ಬಂಡವಾಳದಲ್ಲಿ (Venture Capital) ಶೇಕಡಾ ೩೫ ರಿಂದ ೫೦ ರಷ್ಟು ಪ್ರಮಾಣವನ್ನು ಬೆಂಗಳೂರು ಒಂದೇ ಸತತವಾಗಿ ಆಕರ್ಷಿಸುತ್ತಿದೆ.

ಫ್ಲಿಪ್‌ಕಾರ್ಟ್ (Flipkart), ಸ್ವಿಗ್ಗಿ (Swiggy), ಝೆರೋಧಾ (Zerodha) ಮತ್ತು ರೇಝರ್‌ಪೇ (Razorpay) ನಂತಹ ದೇಶದ ಮುಂಚೂಣಿ ಯೂನಿಕಾರ್ನ್ ಸಂಸ್ಥೆಗಳಿಗೆ ಈ ನಗರವೇ ತವರೂರಾಗಿದ್ದು, ಇವು ದಕ್ಷಿಣ ಏಷ್ಯಾದಾದ್ಯಂತ ವಾಣಿಜ್ಯ, ಡಿಜಿಟಲ್ ಪಾವತಿ ಹಾಗೂ ಸಾಗಣೆ (Logistics) ವಲಯಗಳ ಚಿತ್ರಣವನ್ನೇ ಬದಲಾಯಿಸಿವೆ. ತಜ್ಞ ಪ್ರಾಡಕ್ಟ್ ಮ್ಯಾನೇಜರ್‌ಗಳು, ಫುಲ್-ಸ್ಟ್ಯಾಕ್ ಎಂಜಿನಿಯರ್‌ಗಳು ಹಾಗೂ ಓಪನ್-ಸೋರ್ಸ್ ತಂತ್ರಜ್ಞರ ಅಪಾರ ಸಾಂದ್ರತೆಯನ್ನು ಹೊಂದಿರುವ ಬೆಂಗಳೂರು, ಕೃತಕ ಬುದ್ಧಿಮತ್ತೆ (AI), ರೋಬೋಟಿಕ್ಸ್ ಮತ್ತು ಕ್ಲೈಮೇಟ್-ಟೆಕ್ ತಂತ್ರಜ್ಞಾನದ ಮುಂದಿನ ಹಂತದ ಜಾಗತಿಕ ಕ್ರಾಂತಿಯಲ್ಲೂ ದೇಶದ ಮುಂಚೂಣಿಯಲ್ಲಿ ನಿಂತಿದೆ.