ಸಕ್ರೆಬೈಲ್ ಆನೆ ಶಿಬಿರ- Karnataka Tourism

ಸಕ್ರೆಬೈಲ್ ಆನೆ ಶಿಬಿರ

ಸಕ್ರೆಬೈಲ್ ಆನೆ ಶಿಬಿರದ ಕುರಿತು

ಸಕ್ರೆಬೈಲ್ ಆನೆ ಶಿಬಿರವು ಅರಣ್ಯ ಶಿಬಿರವಾಗಿದ್ದು ಇದು ಶಿವಮೊಗ್ಗ ಕೇಂದ್ರ ಕಛೇರಿಯಿಂದ 14 ಕಿಮೀ ದೂರದಲ್ಲಿದೆ ತುಂಗಾ ನದಿಯ ದಡದಲ್ಲಿರುವ ಈ ಸಕ್ರೆಬೈಲ್ ಆನೆ ಶಿಬಿರವು ಕರ್ನಾಟಕ ಅರಣ್ಯ ಇಲಾಖೆಯಿಂದ ನಿರ್ವಹಿಸಲ್ಪಡುತ್ತಿದೆ. ಈ ಶಿಬಿರವು ವನ್ಯಜೀವಿ ಉತ್ಸಾಹಿಗಳು ಮತ್ತು ಪ್ರವಾಸಿಗರನ್ನು ಮಾತ್ರವಲ್ಲದೆ ಆನೆಗಳ ಬಗ್ಗೆ ಅಧ್ಯಯನ ಮಾಡಲು ಬಯಸುವ ಉತ್ಸಾಹಿಗಳನ್ನು ಆಕರ್ಷಿಸುತ್ತದೆ.

ಕರ್ನಾಟಕ ರಾಜ್ಯ ಸರ್ಕಾರದ ಈ ಉಪಕ್ರಮವು ಆನೆಗಳಿಗೆ ಶಿಬಿರದಲ್ಲಿ ಆಶ್ರಯ ನೀಡುವುದು ಮತ್ತು ಅರಣ್ಯದಲ್ಲಿ ವಾಸಿಸಲು ಅವಕಾಶ ಮಾಡಿಕೊಡುವುದು ಆಗಿದೆ. ಪರಿಸರ ಪ್ರವಾಸೋದ್ಯಮ ಕೇಂದ್ರವು ಈ ಆನೆಗಳಿಗೆ ಸಾಧ್ಯವಿರುವ ಎಲ್ಲ ರೀತಿಯ ಆರೈಕೆಯನ್ನು ಒದಗಿಸುತ್ತದೆ. ಸದ್ಯ ಶಿಬಿರದಲ್ಲಿ 21 ಆನೆಗಳಿವೆ.

ಶಿಬಿರದಲ್ಲಿನ ಅನುಭವಗಳು

ಸಕ್ರೆಬೈಲ್ ಆನೆ ಶಿಬಿರದಲ್ಲಿ ಇರಲು ಹಲವಾರು ಕಾರಣಗಳಿವೆ ಏಕೆಂದರೆ ಶಿಬಿರವು ಮೃಗಾಲಯವಲ್ಲ. ಇಲ್ಲಿ ನೀವು ಆನೆಗಳನ್ನು ವೀಕ್ಷಿಸಬಹುದು. ಜೊತೆಗೆ ಅದರೊಂದಿಗೆ ಆಟ ಆಡಬಹುದು. ಜೊತೆಗೆ ನೀವು ಆನೆಗೆ ಸ್ನಾನ ಮಾಡಿಸಬಹುದು ಮತ್ತು ಅದಕ್ಕೆ ಆಹಾರ ನೀಡಬಹುದು. ನೀವು ಇಲ್ಲಿ ಆನೆಯ ಸವಾರಿಯನ್ನು ಸಹ ಮಾಡಬಹುದು. ಒಟ್ಟಿನಲ್ಲಿ ಆನೆಗಳೊಂದಿಗೆ ನಿಮ್ಮ ಸಮಯವನ್ನು ಆಹ್ಲಾದಕರವಾಗಿ ಕಳೆಯಬಹುದು. ಇದು ತರಬೇತಿ ಶಿಬಿರವಾಗಿದ್ದು, ತರಬೇತಿ ಪಡೆದ ಮಾವುತರು ಆನೆಗಳನ್ನು ನೋಡಿಕೊಳ್ಳುತ್ತಾರೆ.

ವೀಕ್ಷಣೆ

ಕಲಿಕೆಯ ಅತ್ಯುತ್ತಮ ಮಾರ್ಗವೆಂದರೆ ವೀಕ್ಷಣೆ. ಆನೆಗಳು ಹೇಗೆ ವರ್ತಿಸುತ್ತವೆ, ಆಹಾರವನ್ನು ತಿನ್ನುತ್ತವೆ, ಅವುಗಳ ಮನಸ್ಥಿತಿಗಳು ಮತ್ತು ಇತರ ನಡವಳಿಕೆಯ ಮಾದರಿಗಳನ್ನು ವೀಕ್ಷಿಸಲು ಶಿಬಿರದಲ್ಲಿ ಸ್ವಲ್ಪ ಸಮಯವನ್ನು ಕಳೆಯುವುದು ಅಗತ್ಯ. ಯಾವುದೇ ರೀತಿಯ ಗಮನ ಅಥವಾ ಔಷಧೋಪಚಾರದ ಅಗತ್ಯವಿರುವ ಆನೆಗಳನ್ನು ಪ್ರತಿದಿನ ಬೆಳಿಗ್ಗೆ 8.30 ರಿಂದ 11.30 ರವರೆಗೆ 3 ಗಂಟೆಗಳ ಕಾಲ ಶಿಬಿರಕ್ಕೆ ತರಲಾಗುತ್ತದೆ. ಈ ಸಮಯದಲ್ಲಿ ನೀವು ಈ ಆನೆಗಳು ಮತ್ತು ಅದರ ಸ್ವಭಾವದ ಕುರಿತು ಸಂಪೂರ್ಣವಾಗಿ ವೀಕ್ಷಿಸಬಹುದು.

ಆನೆ ಸ್ನಾನ

ತರಬೇತಿ ಪಡೆದ ಮಾವುತರು ಆನೆಗಳಿಗೆ ಸ್ನಾನವನ್ನು ಹೇಗೆ ಮಾಡಿಸುತ್ತಾರೆ ಎಂಬುದು ನೋಡುವುದೇ ಒಂದು ಆನಂದ. ಬೆಟ್ಟಗಳ ಹಿನ್ನೆಲೆಯಲ್ಲಿ ತುಂಗಾ ನದಿಯ ದಡದಲ್ಲಿ, ಆನೆಗಳಿಗೆ ಪ್ರತಿದಿನ ಸ್ನಾನವನ್ನು ನೀಡಲಾಗುತ್ತದೆ. ಆನೆಗಳು ನೀರಿನಲ್ಲಿ ಹೇಗೆ ಆಟವಾಡುತ್ತವೆ ಎಂಬುದನ್ನು ನೋಡುವುದು ತುಂಬಾ ತೃಪ್ತಿಕರವಾದ ಸನ್ನಿವೇಶವಾಗಿದೆ. ನೀವು ನೂರು ರೂಪಾಯಿಗಳನ್ನು ಪಾವತಿಸಬೇಕು ಈ ಗಜ ಸ್ನಾನವನ್ನು ಆನಂದಿಸಬಹುದು. ಇದು ಶಿಬಿರಕ್ಕೆ ಭೇಟಿ ನೀಡಿದಾಗ ಪ್ರಯಾಣಿಕರು ಎದುರು ನೋಡುವ ಪ್ರಮುಖ ಚಟುವಟಿಕೆ ಮತ್ತು ಆಕರ್ಷಣೆಯಾಗಿದೆ. ಪ್ರತಿದಿನ ವೇಳಾಪಟ್ಟಿಯನ್ನು ನಿಗದಿಪಡಿಸಿರುವುದರಿಂದ ಚಟುವಟಿಕೆಯನ್ನು ಆನಂದಿಸಲು ನೀವು ಸಮಯಕ್ಕೆ ತಲುಪಬೇಕು. ಶಿವಮೊಗ್ಗಕ್ಕೆ ಭೇಟಿ ನೀಡಿದಾಗ ಆನೆಗಳು ನೀರಿನಲ್ಲಿ ಆಟವಾಡುವುದನ್ನು ನೋಡಿ ಆನಂದಿಸಿರಿ.

ಆನೆಗಳ ಆಹಾರ

ಆನೆಗಳಿಗೆ ಬೆಳಗಿನ ಉಪಹಾರವನ್ನು ಶಿಬಿರದಲ್ಲಿಯೇ ತಯಾರಿಸಲಾಗುತ್ತದೆ. ಮಾವುತರು ಮತ್ತು ಅವರ ಸಹಾಯಕರು ಆನೆಗಳಿಗೆ ಆಹಾರವನ್ನು ನೀಡುತ್ತಾರೆ. ಪ್ರವಾಸಿಗರು ಆನೆಗಳಿಗೆ ಹೇಗೆ ಆಹಾರವನ್ನು ನೀಡುತ್ತಾರೆ ಮತ್ತು ಅದು ಹೇಗೆ ಆಹಾರ ಸೇವಿಸುತ್ತದೆ ಎಂಬುದನ್ನು ವೀಕ್ಷಿಸಬಹುದು. ಈ ಆನೆಗಳು ದಿನದ ಮೊದಲ ಊಟಕ್ಕೆ ಹೇಗೆ ಪ್ರತಿಕ್ರಿಯಿಸುತ್ತವೆ ಎಂಬುದು ಕುತೂಹಲಕಾರಿಯಾಗಿದೆ.

ಆನೆ ಸವಾರಿ

ಎಲ್ಲಾ ವಯಸ್ಸಿನವರಿಗೆ ಸಾರ್ವಕಾಲಿಕ ನೆಚ್ಚಿನ ಚಟುವಟಿಕೆ ಎಂದರೆ ಅದು ಆನೆ ಸವಾರಿ. ಈ ಸವಾರಿಯನ್ನು ಶಿಬಿರದೊಳಗೆಯೇ ಮಾಡಲಾಗುತ್ತದೆ. ಈ ಆನೆ ಸವಾರಿಯನ್ನು ಮಕ್ಕಳು, ವಯಸ್ಕರು, ಮಹಿಳೆಯರು ಎಲ್ಲರೂ ಆನಂದಿಸುತ್ತಾರೆ. ಸುಮಾರು 10 ನಿಮಿಷಗಳ ಪ್ರಯಾಣಕ್ಕೆ ದೊಡ್ಡವರಿಗೆ 75 ರೂ. ಮತ್ತು ಮಕ್ಕಳಿಗೆ 40 ರೂ ಇರುತ್ತದೆ. . ಮಾವುತರು ಮತ್ತು ಕಾವಲುಗಾರರು ಆನೆಗಳ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಆಧಾರದ ಮೇಲೆ ಅದರೆ ಮೇಲೆ ಸವಾರಿಯನ್ನು ನಿರ್ಧರಿಸುತ್ತಾರೆ.
ಈ ಶಿಬಿರವು ಸಂಯೋಜಿತ ಮತ್ತು ಸಮೃದ್ಧ-ಹಸಿರು ಶಾಂತಿಯುತ ವಾತಾವರಣದ ಇರುವುದರಿಂದ ಮನಸ್ಸಿಗೆ ಆಹ್ಲಾದತೆಯನ್ನು ಉಂಟು ಮಾಡುತ್ತದೆ. ಇದು ಕರ್ನಾಟಕ ರಾಜ್ಯದ ಆನೆಗಳಿಗೆ ಉತ್ತಮ ತರಬೇತಿ ಶಿಬಿರಗಳಲ್ಲಿ ಒಂದಾಗಿದೆ.

ತಲುಪುವುದು ಹೇಗೆ?

ಸಕ್ರೆಬೈಲ್ ಆನೆ ಶಿಬಿರವು ಜಿಲ್ಲಾ ಕೇಂದ್ರದಿಂದ ಕೇವಲ 13 ಕಿಮೀ ದೂರದಲ್ಲಿದ್ದು ರಸ್ತೆಯ ಸಾರಿಗೆಯ ಮೂಲಕ ಸುಲಭವಾಗಿ ಸುಮಾರು 20-25 ನಿಮಿಷಗಳಲ್ಲಿ ತಲುಪಬಹುದು.

ವಿಮಾನ ಸಾರಿಗೆ ಮೂಲಕ

ಶಿವಮೊಗ್ಗ ಜಿಲ್ಲೆಯಿಂದ ರಸ್ತೆ ಮಾರ್ಗವಾಗಿ ಸಕ್ರೆಬೈಲ್ ಆನೆ ಶಿಬಿರವನ್ನು ತಲುಪಬಹುದು. ಶಿವಮೊಗ್ಗ ಜಿಲ್ಲೆಯಲ್ಲಿ ವಿಮಾನ ನಿಲ್ದಾಣವಿಲ್ಲ; ಆದಾಗ್ಯೂ, ಶಿವಮೊಗ್ಗದಿಂದ ಸುಮಾರು 165 ಕಿಮೀ ದೂರದಲ್ಲಿರುವ ಮಂಗಳೂರು ಹತ್ತಿರದ ವಿಮಾನ ನಿಲ್ದಾಣವಾಗಿದೆ. ಶಿವಮೊಗ್ಗ ತಲುಪಲು ಕ್ಯಾಬ್‌ಗಳು ಅಥವಾ ಸಾರ್ವಜನಿಕ ಸಾರಿಗೆ ಬಸ್‌ಗಳನ್ನು ಬಳಸಬಹುದು.

ರಸ್ತೆ ಸಾರಿಗೆ ಮೂಲಕ

ಶಿವಮೊಗ್ಗವು ಕರ್ನಾಟಕದ ಪ್ರಮುಖ ನಗರಗಳು ಮತ್ತು ಸಣ್ಣ ಪಟ್ಟಣಗಳಿಗೆ ರಸ್ತೆ ಸಾರಿಗೆಯ ಮೂಲಕ ಉತ್ತಮ ಸಂಪರ್ಕವನ್ನು ಹೊಂದಿದೆ. ಶಿವಮೊಗ್ಗದಿಂದ ಮಂಗಳೂರು 165 ಕಿಮೀ ಮತ್ತು ಬೆಂಗಳೂರು ಸುಮಾರು 285 ಕಿಮೀ ದೂರದಲ್ಲಿದೆ. ಪ್ರಯಾಣಿಕರು ಶಿವಮೊಗ್ಗ ಜಿಲ್ಲೆಯಿಂದ ಟ್ಯಾಕ್ಸಿ ಅಥವಾ ಆಟೋ-ರಿಕ್ಷಾವನ್ನು ಬಾಡಿಗೆಗೆ ಪಡೆಯಬಹುದು. ಸಕ್ರೆಬೈಲ್ ಆನೆ ಶಿಬಿರವು ಶಿವಮೊಗ್ಗ ಕೇಂದ್ರ ಕಛೇರಿಯಿಂದ ಕೇವಲ 14 ಕಿಮೀ ದೂರದಲ್ಲಿದೆ.