ಸಾವಿರ ಕಂಬಗಳ ಬಸದಿ, ಮೂಡುಬಿದ್ರಿ

ಸಾವಿರ ಕಂಬಗಳ ಬಸದಿ

ಕರ್ನಾಟಕದ ಮೂಡುಬಿದ್ರಿ ಪಟ್ಟಣದ 18 ಜೈನ ದೇವಾಲಯಗಳಲ್ಲಿಸಾವಿರ ಕಂಬಗಳ ಬಸದಿ ಅತ್ಯಂತ ಪ್ರಮುಖವಾದುದು. ಇದರ ಅಧಿಕೃತ ಹೆಸರು ತ್ರಿಭುವನ ತಿಲಕ ಚೂಡಾಮಣಿ ದೇವಸ್ಥಾನ. ಸಾವಿರ ಸ್ತಂಭಗಳ ದೇವಾಲಯದಲ್ಲಿ ಜೈನ ತೀರ್ಥಂಕರ ಚಂದ್ರಪ್ರಭಾ ಮುಖ್ಯ ದೇವತೆಯಾಗಿದೆ.

ಇತಿಹಾಸ ಮತ್ತು ವಿನ್ಯಾಸ: ಸಾವಿರ ಸ್ತಂಭಗಳ ದೇವಾಲಯವನ್ನು 15 ನೇ ಶತಮಾನದಲ್ಲಿ ಸ್ಥಳೀಯ ಆಡಳಿತಗಾರ ದೇವರಾಯ ಒಡೆಯರ್ ನಿರ್ಮಿಸಿದರು. ದೇವಾಲಯವನ್ನು 1962 ರಲ್ಲಿ ನವೀಕರಿಸಲಾಯಿತು. ಪ್ರತಿ  ಸ್ತಂಭವು ಒಂದೊಂದು ಸೊಗಸಾದ ಶಿಲಾ ಕೆತ್ತನೆಗಳಿಂದ ಕೂಡಿದ್ದು ಪ್ರತಿ ಸ್ತಂಭಗಳು ಇನ್ನೊಂದಕ್ಕಿಂತ ಭಿನ್ನವಾಗಿದೆ ಎಂದು ಹೇಳಲಾಗುತ್ತದೆ. ಕಲ್ಲಿನ ಕೆತ್ತನೆಗಳು, ಸೂಕ್ಷ್ಮತೆ ಮತ್ತು ವಿವರಗಳ ಪರಿಪೂರ್ಣತೆಯು ಸಂದರ್ಶಕರನ್ನು ವಿಸ್ಮಯಗೊಳಿಸುತ್ತದೆ. ಎಲ್ಲಾ ಜೈನ ದೇವಾಲಯಗಳಲ್ಲಿ ಸಾಮಾನ್ಯವಾಗಿ ಕಂಡುಬರುವ 50 ಅಡಿ ಎತ್ತರದ ಏಕಶಿಲೆಯ ಮಹಾಸ್ಥ೦ಭ  (ದೈತ್ಯ ಸ್ತಂಭ) ಸಾವಿರ ಕಂಬದ ಬಸದಿಯ ಮುಂದೆ ಸ್ಥಾಪಿಸಲಾಗಿದೆ.

ಸಾವಿರ ಕಂಬದ ಬಸದಿಯ  3 ಮಹಡಿಗಳು ಮತ್ತು ಏಳು ಮಂಟಪಗಳನ್ನು ಹೊಂದಿದೆ. ನೆಲ ಮಹಡಿಯನ್ನು ಕಲ್ಲುಗಳಲ್ಲಿ ನಿರ್ಮಿಸಲಾಗಿದ್ದು, ಮೊದಲ ಮತ್ತು ಎರಡನೇ ಮಹಡಿ ಮರದ ರಚನೆಗಳಾಗಿವೆ. ದೇವಾಲಯದ  ಗರ್ಭಗುಡಿ ಪಂಚಲೋಹಗಳಿಂದ ಮಾಡಿದ 8 ನೇ ಜೈನ ತೀರ್ಥಂಕರ ಚಂದ್ರನಾಥ ಸ್ವಾಮಿಯ 8 ಅಡಿ ಎತ್ತರದ ವಿಗ್ರಹವನ್ನು ಹೊಂದಿದೆ.

ಹತ್ತಿರ: ಕಾರ್ಕಳ (20 ಕಿ.ಮೀ), ಉಡುಪಿ (52 ಕಿ.ಮೀ), ಮಂಗಳೂರು (35 ಕಿ.ಮೀ), ಧರ್ಮಸ್ಥಳ (51 ಕಿ.ಮೀ)  ಮೂಡುಬಿದ್ರಿಯ ಹತ್ತಿರವಿರುವ ಕರಾವಳಿ ಕರ್ನಾಟಕದ ಇತರ ಪ್ರಮುಖ ತಾಣಗಳು. 

ತಲುಪುವುದು ಹೇಗೆ? ಮೂಡುಬಿದ್ರಿ ಬೆಂಗಳೂರಿನಿಂದ 351 ಕಿ.ಮೀ ದೂರದಲ್ಲಿದೆ ಆದರೆ ಮಂಗಳೂರಿನಿಂದ ಕೇವಲ 37 ಕಿ.ಮೀ ದೂರದಲ್ಲಿದೆ, ಇದು ಹತ್ತಿರದ ವಿಮಾನ ನಿಲ್ದಾಣ ಮತ್ತು ರೈಲ್ವೆ ನಿಲ್ದಾಣವನ್ನು ಹೊಂದಿದೆ. ಮಂಗಳೂರಿನಿಂದ ಮೂಡುಬಿದ್ರಿ ತಲುಪಲು ಆಗಾಗ್ಗೆ ಬಸ್ಸುಗಳು ಲಭ್ಯವಿದೆ.

ವಸತಿ: ಮೂಡುಬಿಡಿರಿ ಪಟ್ಟಣದಲ್ಲಿ ಬಜೆಟ್ ಮತ್ತು ಮಧ್ಯ ಶ್ರೇಣಿಯ ಹೋಟೆಲ್‌ಗಳು ಲಭ್ಯವಿದೆ. ಮಂಗಳೂರು ಪಟ್ಟಣದಲ್ಲಿ ಹೆಚ್ಚು ಐಷಾರಾಮಿ ಆಯ್ಕೆಗಳಿವೆ.