ಸಾಹಸ

ಕುಮಾರ ಪರ್ವತ ಚಾರಣ ಪಶ್ಚಿಮ ಘಟ್ಟದಲ್ಲಿ ಹೆಚ್ಚು ಪ್ರಸಿದ್ದವಾಗಿರುವ ಚಾರಣ ಸಾಹಸ ಚಟುವಟಿಕೆಯಾಗಿದೆ. ಕುಮಾರ ಪರ್ವತ ಚಾರಣವು ಮಧ್ಯಮ ಹಂತದ ಅಂದರೆ ತೀರಾ ಸುಲಭವಲ್ಲದ ಆದರೆ ಅಷ್ಟೊಂದು ಕಷ್ಟವೂ ಇಲ್ಲದ ಚಾರಣವಾಗಿದೆ. ಸಾಕಷ್ಟು ದೈಹಿಕ ಕ್ಷಮತೆ ಇರುವ ಯಾರಾದರೂ ಇದನ್ನು ಕೈಗೊಳ್ಳಬಹುದಾಗಿದೆ.

ಕೊಡಚಾದ್ರಿ ಬೆಟ್ಟಗಳು: ಕೊಡಚಾದ್ರಿ ಪಶ್ಚಿಮ ಘಟ್ಟದ ​​ಚಾರಣ ಸ್ನೇಹಿ ಬೆಟ್ಟವಾಗಿದ್ದು, ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನಕ್ಕೆ ಹತ್ತಿರದಲ್ಲಿದೆ. ಸಮುದ್ರ ಮಟ್ಟದಿಂದ 1343 ಮೀಟರ್ ಎತ್ತರವಿರುವ ಕೊಡಚಾದ್ರಿ ಕರ್ನಾಟಕದ ಅತಿ ಎತ್ತರದ ಶಿಖರಗಳಲ್ಲೊಂದಾಗಿದೆ. ಸಂಸ್ಕ್ರತದ “ಕುಟಜಾ” ಎಂಬ ಪದದಿಂದ ಕೊಡಚಾದ್ರಿ ಹೆಸರು ಬಂದಿದೆ. ಕುಟಜಾ ಎಂದರೆ ಮಲ್ಲಿಗೆಯ ಬೆಟ್ಟ ಎಂದರ್ಥ.

ದಾಂಡೇಲಿಯ ಕಾಳಿ ನದಿ ಕರ್ನಾಟಕದ ಜನಪ್ರಿಯ ಸಾಹಸ ಕ್ರೀಡಾ ತಾಣವಾಗಿದೆ. ರಾಫ್ಟಿಂಗ್ (ರಬ್ಬರ್ ದೋಣಿಯಲ್ಲಿ ತೇಲುತ್ತಾ, ಹುಟ್ಟು ಹಾಕುತ್ತಾ ರಭಸವಾಗಿ ಹರಿಯುವ ನದಿಯೊಡನೆ ಸಾಗುವುದು) ಮಾಡಲು ಕಾಳಿ ನದಿ ಹೇಳಿ ಮಾಡಿಸಿದ ಪ್ರದೇಶವಾಗಿದ್ದು ಕರ್ನಾಟಕದ ಅತ್ಯುತ್ತಮ ತಾಣವಾಗಿದೆ

ಮುರುಡೇಶ್ವರ ಹತ್ತಿರದ ನೇತ್ರಾಣಿ ದ್ವೀಪವು ಕರ್ನಾಟಕದ ಪ್ರಮುಖ ಸ್ಕೂಬಾ ಡೈವಿಂಗ್ ತಾಣವಾಗಿದೆ. ನೇತ್ರಾಣಿ ದ್ವೀಪವು ಮುರುಡೇಶ್ವರ ತೀರದಿಂದ ಸುಮಾರು 22 ಕಿ.ಮೀ ದೂರದಲ್ಲಿದೆ ಮತ್ತು ದೋಣಿಯಲ್ಲಿ ಒಂದು ಗಂಟೆ ತೆಗೆದುಕೊಳ್ಳುತ್ತದೆ.

ಸೊಕ್ಕಿದ್ರೆ ಯಾಣ, ರೊಕ್ಕ ಇದ್ರೆ ಗೋಕರ್ಣ ಎಂಬ ಮಾತಿದೆ. ಯಾಣ ಬಂಡೆಗಳು ಸಾಹಸ ಆಸಕ್ತರನ್ನು ಕೈ ಬಿಸಿ ಕರೆಯುತ್ತದೆ. ಯಾಣ ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ನಗರದಿಂದ ೩೦ ಕಿ ಮೀ ದೂರದಲ್ಲಿದೆ

ಬಾದಾಮಿ ಎಂಬ ಐತಿಹಾಸಿಕ ಸ್ಥಳಕ್ಕೆ ಭೇಟಿ ನೀಡುವಾಗ ರಾಕ್ ಕ್ಲೈಂಬಿಂಗ್ ಅಂತಹ ಸಾಹಸ ಚಟುವಟಿಕೆಯನ್ನು ಪ್ರಯತ್ನಿಸಲೇಬೇಕು. ಈ ಸ್ಥಳದಲ್ಲಿ ಹಲವಾರು ಬಂಡೆಗಳ ನಡುವೆ ಅಡಗಿರುವ ಅನೇಕ ಹತ್ತುವ ಮಾರ್ಗಗಳನ್ನು ಒದಗಿಸುತ್ತದೆ ಮತ್ತು ರಾಕ್ ಕ್ಲೈಂಬಿಂಗ್ ಅನ್ನು ಹವ್ಯಾಸಿಗಳು ಮತ್ತು ತಜ್ಞರು ಪ್ರಯತ್ನಿಸಬಹುದು.

ಸದಾ ಜಲಪಾತವು ಕರ್ನಾಟಕ-ಗೋವಾ ಗಡಿಯಲ್ಲಿರುವ ಪಶ್ಚಿಮ ಘಟ್ಟದ ​​ಕಾಡುಗಳಲ್ಲಿ ಹುದುಗಿರುವ ಸುಂದರ ಜಲಪಾತವಾಗಿದೆ. ಸದಾ ಜಲಪಾತಕ್ಕೆ ಮಾರ್ಗದರ್ಶಿ ಚಾರಣವು ಬೆಳಗಾವಿ ಜಿಲ್ಲೆಯಲ್ಲಿ ಹೆಚ್ಚು ಹೆಸರುವಾಸಿಯಾದ ಚಟುವಟಿಕೆಯಾಗಿದೆ.

ಗುಡಿಬಂಡೆ ಬೆಂಗಳೂರಿನ ಹೊರವಲಯದಲ್ಲಿರುವ ಒಂದು ಸುಂದರ ತಾಣವಾಗಿದೆ, ಇದು ಕಲ್ಲಿನ ಕೋಟೆ, ಅದ್ಭುತ ನೋಟಗಳು ಮತ್ತು ಇತಿಹಾಸಕ್ಕೆ ಹೆಸರುವಾಸಿಯಾಗಿದೆ. ಗುಡಿಬಂಡೆ 17 ನೇ ಶತಮಾನದ ಕೋಟೆಯಾಗಿದ್ದು ಸ್ಥಳೀಯ ಆಡಳಿತಗಾರ ಬೈರೆ ಗೌಡ ನಿರ್ಮಿಸಿದ.

ಕೂರ್ಗ್ ಪ್ರದೇಶದ ಅತಿ ಎತ್ತರದ ಶಿಖರ ಮತ್ತು ಕರ್ನಾಟಕದ ಎರಡನೇ ಅತಿ ಎತ್ತರದ ಶಿಖರವಾಗಿರುವ ತಡಿಯೆಂಡಮೋಲ್ ಚಾರಣಿಗರ ಸ್ವರ್ಗವಾಗಿದೆ. 1,748 ಮೀಟರ್ ಎತ್ತರದಲ್ಲಿ ಸ್ಥಿತ, ಸೌಮ್ಯವಾದ ಇಳಿಜಾರು ಮತ್ತು ಹುಲ್ಲಿನ ಭೂಪ್ರದೇಶವು ಅದರ ಸುಂದರವಾದ ನೋಟ ಮತ್ತು ಪ್ರಶಾಂತ ವಾತಾವರಣದಿಂದ ನಿಮ್ಮನ್ನು ಆಕರ್ಷಿಸುತ್ತದೆ.

ಬಿಗ್ ರಾಕ್ ಡರ್ಟ್ ಪಾರ್ಕ್ ಒಂದು ಸಾಹಸ ಮೋಟಾರ್ ಸೈಕಲ್ ಸವಾರಿ ತರಬೇತಿ ಕೇಂದ್ರವಾಗಿದ್ದು, ಕರ್ನಾಟಕದ ಪ್ರಸಿದ್ಧ ಮೋಟಾರ್ ಸೈಕಲ್ ರೇಸರ್ ಸಿ.ಎಸ್.ಸಂತೋಷ್ ನಿರ್ವಹಿಸುತ್ತಿದ್ದಾರೆ. ಇದು ಕೋಲಾರ ಪಟ್ಟಣದ ಹೊರ ವಲಯದಲ್ಲಿದೆ.

ಮೈಕ್ರೊಲೈಟ್ ವಿಮಾನಗಳು ಪೈಲಟ್ ಮತ್ತು ತರಬೇತಿ ಪಡೆಯುವರಿಗಾಗಿ/ಪ್ರಯಾಣಿಕರಿಗಾಗಿ ಮೀಸಲಾದ ಎರಡು ಸೀಟಿನ ಸಣ್ಣ ವಿಮಾನಗಳಾಗಿವೆ. ಬೆಂಗಳೂರಿನ ವಾಯುಯಾನ ಕಂಪನಿಗಳು ಬಳಸುವ ಎರಡು ಪ್ರಸಿದ್ಧ ಮೈಕ್ರೋ ಲೈಟ್ ಮಾದರಿಯ ವಿಮಾನವೆಂದರೆ ಜೆನ್ ಏರ್ ಮತ್ತು ಎಕ್ಸ್ ಏರ್ ವಿಮಾನ.

ರಾಮನಗರ ಜಿಲ್ಲೆಯು ಬೃಹದಾಕಾರದ ಬಂಡೆಗಳಿಗೆ ಹೆಸರುವಾಸಿಯಾಗಿದೆ. ರಾಮನಗರದಲ್ಲಿರುವ ರಾಮದೇವರ ಬೆಟ್ಟ ಸಾಹಸವನ್ನು ಪ್ರಯತ್ನಿಸುವವವರನ್ನು ಮತ್ತು ಪರ್ವತಾರೋಹಿಗಳನ್ನು ಆಕರ್ಷಿಸುತ್ತದೆ. ಬಂಡೆ ಆರೋಹಣ ಮತ್ತು ಹಗ್ಗವನ್ನು ಉಪಯೋಗಿಸಿಕೊಂಡು ಹತ್ತುವುದು (ರಾಪೆಲಿಂಗ್) ಚಟುವಟಿಕೆಗಳು ಸಾಹಸದ ಅರ್ಥವನ್ನು ನೀಡುತ್ತದೆ ಮತ್ತು ಒಬ್ಬರ ತಾಳ್ಮೆ ಮತ್ತು ಫಿಟ್ನೆಸ್ ಮಟ್ಟವನ್ನು ಪರೀಕ್ಷಿಸುತ್ತವೆ.