ಬ್ಲೂ ಫ್ಲಾಗ್ ಪ್ರಮಾಣಪತ್ರ

ರಾಜ್ಯದ ಎರಡು ಕಡಲತೀರಗಳು ಡೆನ್ಮಾರ್ಕ್‌ನ ಇಂಟರ್ನ್ಯಾಷನಲ್ ಏಜೆನ್ಸಿ ಫೌಂಡೇಶನ್ ಫಾರ್ ಎನ್ವಿರಾನ್ಮೆಂಟ್ ಎಜುಕೇಶನ್‌ನಿಂದ ಅಪೇಕ್ಷಿತ ಪರಿಸರ ಲೇಬಲ್ “ಬ್ಲೂ ಫ್ಲ್ಯಾಗ್” ಶೀರ್ಷಿಕೆಯನ್ನು ಪಡೆದುಕೊಂಡಿರುವುದು ಕರ್ನಾಟಕಕ್ಕೆ ಬಹಳ ಹೆಮ್ಮೆಯ ಕ್ಷಣವಾಗಿದೆ. ಉತ್ತರ ಕನ್ನಡದ ಹೊನ್ನಾವರ ಬಳಿಯ ಕಾಸರ್ಕೋಡ್ ಬೀಚ್ ಮತ್ತು ಉಡುಪಿ ಬಳಿಯ ಪಡುಬಿದ್ರಿ ಬೀಚ್ ಎಂಬ ಎರಡು ಕಡಲತೀರಗಳು ಈ ಪ್ರಶಸ್ತಿಯನ್ನು ಪಡೆದ ದೇಶದ ಎಂಟರಲ್ಲಿ ಸೇರಿವೆ.

ಲಭ್ಯವಿರುವ  ಸೌಲಭ್ಯಗಳು, ಸ್ವಚ್ಚತೆ, ಸುರಕ್ಷತೆ, ಸೇವೆಗಳು, ಪ್ರವೇಶ ಮತ್ತು ಪರಿಸರಕ್ಕೆ ಸಂಬಂಧಿಸಿದ 33 ಕಠಿಣ ಮಾನದಂಡಗಳ ಆಧಾರದ ಮೇಲೆ ಪ್ರತಿಷ್ಠಿತ ”ಬ್ಲೂ ಫ್ಲಾಗ್” ಲೇಬಲ್ ನೀಡಲಾಗುತ್ತದೆ. ಉನ್ನತ ಪರಿಸರವಾದಿಗಳು ಮತ್ತು ವಿಜ್ಞಾನಿಗಳನ್ನು ಒಳಗೊಂಡ ರಾಷ್ಟ್ರೀಯ ತೀರ್ಪುಗಾರರ ಸಮಿತಿಯು ಭಾರತದ ಎಂಟು ಕಡಲತೀರಗಳನ್ನು ಪ್ರಮಾಣೀಕರಣಕ್ಕಾಗಿ ಶಿಫಾರಸು ಮಾಡಿದ್ದರು. ಹೊಸ ಟ್ಯಾಗ್‌ನೊಂದಿಗೆ, ಎರಡು ಕಡಲತೀರಗಳು ಈಗ ಪ್ರವಾಸಿ ಆಕರ್ಷಣೆಗಳ ಜಾಗತಿಕ ನಕ್ಷೆಯಲ್ಲಿ ಸ್ಥಾನ ಪಡೆದಿವೆ.

ಕಾಸರ್ಕೋಡ್ ಮತ್ತು ಪಡುಬಿದ್ರಿ ಕಡಲತೀರಗಳು ಘನತ್ಯಾಜ್ಯ ನಿರ್ವಹಣಾ ಘಟಕಗಳು, ಬೂದು ನೀರು ಸಂಸ್ಕರಣಾ ಘಟಕಗಳು, ಆಸನ ವ್ಯವಸ್ಥೆ, ಶುದ್ಧ ಕುಡಿಯುವ ನೀರು, ವಾಶ್ ರೂಮ್, ಚೇಂಜಿಂಗ್ ರೂಮ್, ಸ್ನಾನದ ಸೌಲಭ್ಯ, ಅಂಗವಿಕಲ ಸ್ನೇಹಿ ಮತ್ತು ಸಾಮಾನ್ಯ ಶೌಚಾಲಯಗಳು, ಪಾರ್ಕಿಂಗ್ ಸೌಲಭ್ಯಗಳು, ಸೌರ ವಿದ್ಯುತ್ ಸ್ಥಾವರಗಳು ಮತ್ತು ಸೌರ ದೀಪವನ್ನು ಹೊಂದಿವೆ.

ಕಾಸರ್ಕೋಡ್ ಬೀಚ್‌ನಲ್ಲಿ 750 ಮೀ. ಉದ್ದದ ಸುರಕ್ಷಿತ ಈಜು ವಲಯವಿದೆ, ಇದು 2.5 ಕಿ.ಮೀ ವರೆಗೆ ಹರಡಿಕೊಂಡಿದೆ. ಇದು ಜಿಮ್ನಾಷಿಯಂ, ಮಕ್ಕಳ ಆಟದ ಪ್ರದೇಶ, ಸೂರ್ಯನ ಸ್ನಾನ ಸೌಲಭ್ಯ ಮತ್ತು ವಾಚ್ ಟವರ್ ಅನ್ನು ಹೊಂದಿದೆ. ಮತ್ತೊಂದೆಡೆ ಪಡುಬಿದ್ರಿ ಬೀಚ್ 200 ಮೀ. ಉದ್ದದ ಸುರಕ್ಷಿತ ಈಜುಕೊಳವನ್ನು ಇದೆ.

ಪ್ರಧಾನಿ ಮಂತ್ರಿ ನರೇಂದ್ರ ಮೋದಿಯವರು  “ಅದ್ಭುತ ಸಾಧನೆ” ಎಂದು ಟ್ವೀಟ್ ಮಾಡಿದ್ದಾರೆ. ಹೇಗೆ ಈ ಹೆಸರಾಂತ ಶೀರ್ಷಿಕೆಯು ಕಡಲತೀರಗಳನ್ನು ರಕ್ಷಿಸಲು ಭಾರತವು ಹೊಂದಿರುವ ಮಹತ್ವವನ್ನು ತೋರಿಸುತ್ತದೆ, ಸುಸ್ಥಿರ ಅಭಿವೃದ್ಧಿಯನ್ನು ಹೆಚ್ಚಿಸುತ್ತದೆ ಎಂದು ಅವರು ತಮ್ಮ ಟ್ವೀಟ್‌ನಲ್ಲಿ ಉಲ್ಲೇಖಿಸಿದ್ದಾರೆ.