ಶ್ರೀಂಗೇರಿ ಪಶ್ಚಿಮ ಘಟ್ಟದ ಸಣ್ಣ ಪಟ್ಟಣವಾಗಿದ್ದು, ಚಿಕ್ಕಮಗಳೂರು ಜಿಲ್ಲೆಯಲ್ಲಿದೆ, ಶೃಂಗೇರಿಯ ಶ್ರೀ ಶಾರದಾಂಬ ದೇವಸ್ಥಾನ ಕರ್ನಾಟಕದ ಪ್ರಮುಖ ದೇವಾಲಯಗಳಲ್ಲಿ ಒಂದಾಗಿದೆ.
ಶೃಂಗೇರಿ ಶಾರದಾ ಪೀಠವನ್ನು ಕ್ರಿ.ಶ 8ನೇ ಶತಮಾನದಲ್ಲಿ ಶ್ರೀ ಆದಿ ಶಂಕರಾಚಾರ್ಯರು ಸ್ಥಾಪಿಸಿದರು. ತುಂಗಾ ನದಿಯ ದಡದಲ್ಲಿರುವ ಶೃಂಗೇರಿ ಶಾರದಾ ಪೀಠವು ಎರಡು ಪ್ರಮುಖ ದೇವಾಲಯಗಳನ್ನು ಮತ್ತು ಒಂದು ಡಜನ್ ಇತರ ದೇವಾಲಯಗಳನ್ನು ಹೊಂದಿದೆ.
ಶೃಂಗೇರಿಯಲ್ಲಿನ ಪ್ರಮುಖ ದೇವಾಲಯಗಳು:
ಶ್ರೀ ಶಾರದಾಂಬ ದೇವಸ್ಥಾನ: ದೇವತೆ ಶಾರದೆ ಜ್ಞಾನ, ಸಂಗೀತ, ಕಲೆ ಮತ್ತು ಬುದ್ಧಿವಂತಿಕೆಯನ್ನು ದಯಪಾಲಿಸುವ ದೇವಿಯಾಗಿದ್ದಾಳೆ. ಶೃಂಗೇರಿಯಲ್ಲಿರುವ ಶ್ರೀ ಶಾರದಾಂಬ ದೇವಸ್ಥಾನದಲ್ಲಿ ಶಾರದಾಂಬೆಯ ಚಿನ್ನದ ವಿಗ್ರಹವಿದೆ ಮತ್ತು ತೋರಣ ಗಣಪತಿ, ಆದಿ ಶಂಕರಚಾರ್ಯ, ಮಹಾಲಯ ಬ್ರಹ್ಮ, ಕೋದಂಡರಾಮಸ್ವಾಮಿ, ಹನುಮಾನ್ (ಆಂಜನೇಯ), ಗರುಡ ಇತ್ಯಾದಿ ಗುಡಿಗಳಿವೆ.
ಶ್ರೀ ವಿದ್ಯಾಶಂಕರ ದೇವಸ್ಥಾನ: 14 ನೇ ಶತಮಾನದಲ್ಲಿ ಸಂಪೂರ್ಣವಾಗಿ ಕಲ್ಲಿನಿಂದ ನಿರ್ಮಿಸಲಾದ ಶ್ರೀ ವಿದ್ಯಾಶಂಕರ ದೇವಸ್ಥಾನವು ಹೊಯ್ಸಳ + ದ್ರಾವಿಡ ಶೈಲಿಯ ವಾಸ್ತುಶಿಲ್ಪವನ್ನು ಒಳಗೊಂಡಿದೆ. ಶ್ರೀ ವಿದ್ಯಾಶಂಕರ ದೇವಾಲಯದ ಒಳ ಗರ್ಭಗುಡಿ ವಿದ್ಯಾ ಗಣಪತಿ, ದುರ್ಗಾ ದೇವತೆ, ಬ್ರಹ್ಮ, ವಿಷ್ಣು ಮತ್ತು ಮಹೇಶ್ವರರನ್ನು ಹೊಂದಿದೆ.
ಹತ್ತಿರ: ಅಗುಂಬೆ (30 ಕಿ.ಮೀ), ಸಿರಿಮನೆ ಜಲಪಾತ (12 ಕಿ.ಮೀ), ಕುಂದಾದ್ರಿ (28 ಕಿ.ಮೀ), ಕವಿಶೈಲ (40 ಕಿ.ಮೀ) ಮತ್ತು ಹೊರನಾಡು (54 ಕಿ.ಮೀ) ಶೃಂಗೇರಿಯೊಂದಿಗೆ ಭೇಟಿ ನೀಡಬಹುದಾದ ಇತರ ಆಸಕ್ತಿಯ ಸ್ಥಳಗಳಾಗಿವೆ.
ತಲುಪುವುದು ಹೇಗೆ? ಶೃಂಗೇರಿ ಬೆಂಗಳೂರಿನಿಂದ 320 ಕಿ.ಮೀ ಮತ್ತು ಮಂಗಳೂರಿನಿಂದ (ಹತ್ತಿರದ ವಿಮಾನ ನಿಲ್ದಾಣ) 111 ಕಿ.ಮೀ ದೂರದಲ್ಲಿದೆ. ಶಿವಮೊಗ್ಗ ಹತ್ತಿರದ ರೈಲು ನಿಲ್ದಾಣ (90 ಕಿ.ಮೀ). ಶೃಂಗೇರಿಗೆ ಬೆಂಗಳೂರಿನಿಂದ ನೇರ ಬಸ್ ಸೇವೆ ಇದೆ. ಶಿವಮೊಗ್ಗ ಮತ್ತು ಮಂಗಳೂರಿನಿಂದ ಶೃಂಗೇರಿ ತಲುಪಲು ಬಸ್ಸುಗಳು ಲಭ್ಯವಿದೆ.
ವಸತಿ: ಶೃಂಗೇರಿ ದೇವಾಲಯ ಭಕ್ತರಿಗಾಗಿ ಛತ್ರ ಸೌಲಭ್ಯವನ್ನು ನಡೆಸುತ್ತಿದೆ. ಶೃಂಗೇರಿ ಪಟ್ಟಣದಲ್ಲಿ ಕಡಿಮೆ ಖರ್ಚಿನ ವಾಸ್ತವ್ಯದ ಆಯ್ಕೆಗಳು ಲಭ್ಯವಿದೆ.
ಅಧಿಕೃತ ವೆಬ್‌ಸೈಟ್: Click here
